ދިވެހިރާއްޖޭގެ ހުރިހާ ސިޓީތަކާއި ރަށްތަކުގައި ”ޓޮބޭކޯ ސިޒޭޝަން ކްލިނިކް“ ޤާއިމުކުރުމަށް ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.
ރައީސް މި ނިންމުން ނިންމެވީ އިއްޔެ ބޭއްވެވި ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް ހެލްތުން ހުށަހެޅުއްވި ކަރުދާހަށް މަޝްވަރާ ކުރެއްވުމަށްފަހުގައެވެ.
އެގޮތުން ދުންފަތުގެ އިސްތިޢުމާލުކުރުން ހުއްޓާލަން ބޭނުންވާ ފަރާތްތަކަށް ބޭނުންވާ ބޭސް، އެސް.ޓީ.އޯ މެދުވެރިކޮށް ރާއްޖޭގެ ހުރިހާ ސިޓީތަކާއި އަތޮޅު ހޮސްޕިޓަލް ޤާއިމުކޮށްފައިވާ ރަށްތަކުން ލިބޭނެ އިންތިޒާމު ހަމަޖެއްސުމަށްވެސް ރައީސުލްޖުމްހޫރިއްޔާ ވަނީ ނިންމަވާފައެވެ.
މީގެއިތުރުން، ޞިއްޙީ ޚިދުމަތް ފޯރުކޮށްދޭ ހުރިހާ ތަނެއްގައި، ޞިއްޙީ ޚިދުމަތް ދިނުމުގެ ޤާނޫނުގެ ދަށުން ޕްރިވެންޓިވް ހެލްތު ކެއަރގެ ޚިދުމަތެއްގެ ގޮތުގައި ސިޒޭޝަންގެ ޚިދުމަތް ދިނުމަށް ރައީސުލްޖުމްހޫރިއްޔާ ނިންމަވާފައި ވެއެވެ.
ދުންފަތުގެ އިސްތިޢުމާލުކުރުން މަދުކުރުމަށްޓަކައި ސަރުކާރުން ތައާރަފުކުރައްވާފައިވާ އިސްލާހުތަކުގެ ތެރޭގައި ދުންފަތް ކޮންޓްރޯލުކުރުމާބެހޭ ޤާނޫނާއި، އެކްސްޕޯޓް އިމްޕޯޓް ޤާނޫނަށް ގެނެވުނު އިސްލާހުތައް ހިމެނޭއިރު، މީގެ ސަބަބުން ދުންފަތުގެ ބާވަތްތަކާއި، ދުންފަތުގެ އިސްތިޢުމާލު ކުރުމަށާއި، ވޭޕް ކުރުމަށް ބޭނުންކުރާ އިލެކްޓްރޯނިކް ވަސީލަތްތަކުގެ އިމްޕޯޓް ޑިއުޓީއަށް ވަނީ ބޮޑެތި ބަދަލުތަކެއް އައިސްފައެވެ.
2 Responses
Varanasi molhu vaahaka ebadhekkey ekamaku miadhu maaleyn thairodu beysfulhieh nulibigen emmefahun jehunee ADk in thairodu beysfulhieh gannan
އަބަދުވެސް ކަޓެއް ނެގިދާނެ ކަމެއް ކޮށްލެވޭތޯ ބަލަނީބާއެވެ! އެހެންނާ ފަހެ ގޭކަންމަތީ ޑްރަގްބޮއިގެން މީހުންގެ ސައިކަލް މަތީ ނިދާފާއޮންނައިރު އެމީހާގެ ސައިކަލް ނެރެލަން ބޮއިގެން އޮންނަ ސޮރު ކަރީ އާދޭސް ކުރާއިރު ފުލުސް މީހާ އެދަނީ ބަލާލާފަ ހެމުން ހެމުންނެވެ. ޑްރަގާއި ސިނގިރެޓް ނައްތާލަ ބަލާށެވެ. ވޭޕް ހުށްޓުމުން ސިގިރެޓް މީހުންނަށް ވިޔާފާރި އިތުރެއްވެސް ނުވިނޫންހެއްޔެވެ. އެ ސޮރުމެއް ބަވަބަވާފަ ދިންފަތުން ބިޑި އަނބުރައިގެނ ބޮނީ ނޫންހެއްޔެވެ.