މާދަމާއިން ފެށިގެން ދިވެހިރާއްޖޭގެ ސްޕްރީމް ކޯޓާއި،ހައިކޯޓު އެއްމަސްދުވަހަށް ރިސެސްއަށް ދާން ނިންމައިފިއެވެ.
ގާނޫނުގައިވާގޮތުން، ނޮވެންބަރު މަހުގެ އެންމެ ފަހު ރަސްމީ މަސައްކަތު ދުވަހުން ފެށިގެން އަންނަ ޖަނަވަރީ މަހުގެ އެންމެ ފުރަތަމަ ރަސްމީ މަސައްކަތު ދުވަހާ ހަމައަށް ދިވެހިރާއްޖޭގެ ސުޕްރީމް ކޯޓު އޮންނާނީ ރިސެސްގައެވެ.ސްޕްރީމް ކޯޓުގެ އިތުރުން ހައިކޯޓުންވެސް ވަނީ މިއަދު ނެރުނު އިއުލާނެއްގައި އެއްމަސްދުވަހަށް އެ ކޯޓު ރިސެސްއަށް ދާކަންހާމަކޮށްފައެވެ.
ރިސެސްގެ މުއްދަތުގައި އާންމު އަޑުއެހުންތައް ކުރިއަކަށް ނުގެންދާނެއެވެ. ނަމަވެސް ވަކި މުއްދަތެއްގެ ތެރޭގައި ވަކި ކަމެއް ނިންމަންޖެހޭ ކަމަށް ބަޔާންކޮށްފައިވާ ހާލަތެއް އައިސްފިނަމަ އެ މަސައްކަތެއް ކުރަން ޖެހޭނެއެވެ.
އެހެންކަމުން ކޯޓުތައް ރިސެސްއަށް ދިޔަ ނަމަވެސް އިދާރީ މަސައްކަތްތަކާއި މައްސަލަ ބަލައިގަތުން މެދުކެނޑުމެއްނެތި ކުރިއަށްގެންދާނެއެވެ.
