އެމެރިކާގެ ރައީސް ކަމަށް ޑޮނަލްޑް ޓްރަމްޕް އިންތިޚާބުވެ ވަޑައިގަތުމާއެކު ޔުކްރެއިން-ރަޝިޔާ ހަނގުރާމަ ދާދި އަވަހަށް ނިމިގެން ހިނގައިދާނެ ކަމަށް ޔުކްރެއިންގެ ރައީސް ވްލޮޑިމިއާ ޒެލެންސްކީ ވިދާޅުވެއްޖެއެވެ.

ޒެލެންސްކީ މިހެން ވިދާޅުވެފައި މި ވަނީ އެމެރިކާގެ ރިޔާސީ އިންތިހާބު ކާމިޔާބު ކުރެއްވުމަށް ފަހު ޓްރަމްޕާ ފޯނުން ދެއްކެވި ވާހަކަފުޅަށްފަހުއެވެ.

ޒެލެންސްކީ ވިދާޅުވީ ޓްރަމްޕް އެމެރިކާގެ ރައީސް ކަމަށް އިންތިޚާބުވެ ވަޑައިގަތުމުން ޔުކްރެއިނުން ރަޝިޔާއާ އެކު ކުރާ ހަނގުރާމަ ”އަވަހަށް ނިމޭނެ“ ކަމުގެ ޔަގީންކަން އެބައޮތް ކަމަށެވެ. ޓްރަމްޕާއެކު ކުރެއްވި މަޝްވަރާގައި ތަކުރާރުކޮށް ވިދާޅުވެފައި ވަނީ އޭނާ އިސްކަންދެނީ ހަނގުރާމަ ނިމުމަކަށް ގެނައުމަށް ކަމަށް ޒެލެންސްކީ ވަނީ ވިދާޅުވެފައެވެ.

އެމެރިކާއަކީ ޔޫކްރޭނަށް އެންމެ ގިނައިން ހަތިޔާރު ފޯރުކޮށްދިން ގައުމެވެ. ރަޝިޔާ-ޔުކްރެއިން ހަނގުރާމަ ފެށުމުގެ ކުރިން އަދި މި އަހަރުގެ ޖޫން މަހާ ދެމެދު 55.5 ބިލިއަން ޑޮލަރު (41.5 ބިލިއަން ޕައުންޑް) ގެ ހަތިޔާރާއި ސާމާނު ޑެލިވަރީ ކުރި ކަމަށް ޖަރުމަނުގެ ދިރާސާ ޖަމިއްޔާއެއް ކަމަށްވާ ކިއެލް އިންސްޓިޓިއުޓް ފޯ ދަ ވޯލްޑް އިކޮނޮމީ އިން ބުނެފައި ވެއެވެ.

ވެ.

ވެ.