އަންނަ އަހަރަށް ލަފާކޮށް ހުށަހަޅާފައިވާ ބަޖެޓުގެ ބަހުސް މާދަމާގެ ރައްޔިތުންގެ މަޖިލީހުގެ ޖަލްސާއަށް އެޖެންޑާކޮށްފި އެވެ.
މި އަހަރަށް ލަފާކޮށް މަޖިލިހުން ހުށަހެޅި 49.8 ބިލިއަން ރުފިޔާގެ ބަޖެޓާއެކު ސަޕްލިމެންޓްރީ ބަޖެޓު ހިމެނޭހެން މި އަހަރުގެ ބަޖެޓު ވަނީ 56.6 ބިލިއަން ރުފިޔާއަށް އަރާފައެވެ.
އަންނަ އަހަރަށް ލަފާ ކުރާ ބަޖެޓުގައި ކަރަންޓް ޚަރަދުގެ ގޮތުގައި 35.9 ބިލިއަން ރުފިޔާއާއި ކެޕިޓަލް ޚަރަދުގެ ގޮތުގައި 13.3 ބިލިއަން ރުފިޔާ ހިމެނެއެވެ. އަދި އަންނަ އަހަރުގެ ޖުމުލަ އާމްދަނީއާއި ހިލޭ އެހީ 39.8 ބިލިއަން ރުފިޔާއަށް އަރާނެ ކަމަށްވަނީ އަންދާޒާކޮށްފައެވެ. އެއީ، ހިލޭ އެހީގެ ގޮތުގައި 2.5 ބިލިއަން ރުފިޔާ ހިމަނައިގެންނެވެ
އަންނަ އަހަރަށް ލަފާ ކުރާ ބަޖެޓުގެ މަސައްކަތް ނިންމާނޭ ދުވަހެއްގެ ގޮތުގައި މަޖިލީހުގެ ބަޖެޓު ކޮމިޓީގެ މެންބަރުންގެ އިއްތިފާގުން ކަނޑައަޅާފައި ވަނީ މި މަހުގެ 20 ވަނަ ދުވަހެވެ.
