ޒަޔަނިސްޓް އިޒްރޭލުން ސީރިއާގެ ހޮމްސްގެ ބޭރުގައި އޮންނަ ޝިންޝާ އަވަށަށް ހަމަލާދީ 9 މީހަކު ޝަހީދުކޮށްލައިފިއެވެ.
ސީރިއާގެ ލޯކަލް މީޑިއާތަކުން މިއަދު ރިޕޯޓުކޮށްފައިވާ ގޮތުގައި ސީރިއާގެ ހޮމްސްގެ ބޭރުގައި އޮންނަ ޝިންޝާ އަވަށަށް އިޒްރޭލު ސިފައިން ވަނީ އާ ހަމަލާއެއް ދީފައެވެ. އަލްމަސީރާ ޓީވީން ރިޕޯޓްކޮށްފައިވާ ގޮތުގައި އިޒްރޭލުން ވަނީ ޝިންޝާ އަވަށުގެ އިންސާނީ އެހީގެ ކޮންވޯއީއަކަށް އަމާޒުކޮށް ހަމަލާދީފައެވެ.
އެ ހަމަލާތަކުގައި ނުވަ މީހުން މަރުވެ 10 އަށް ވުރެ ގިނަ މީހުން ޒަހަމްވެފައިވާ ކަމަށް ރިޕޯޓުތައް ބުނެއެވެ.
ސީރިއާގެ އިދިކޮޅު ފަރާތްތަކާ ގުޅުން ހުރި އިނގިރޭސިވިލާތުގެ ސީރިއަން އޮބްޒަވޭޓަރީ ފޯ ހިއުމަން ރައިޓްސް އިން ބުނާ ގޮތުގައި މި ހަމަލާ އަމާޒުކޮށްފައި ވަނީ ހޮމްސް-ދިމިޝްގު މަގުގައި ހުންނަ ހިޒްބުاللهގެ ވަޒަން ރައްކާކުރާ ތަނަކަށެވެ.
މީޑިއާތަކުން ރިޕޯޓްކޮށްފައިވާ ގޮތުގައި މި ހަމަލާއާ ގުޅިގެން ސީރިއާގެ ހޮމްސް ޕްރޮވިންސް އިން ދިމިޝްގުއާ ދެމެދު އޮންނަ ބައިނަލްއަގުވާމީ މަގު ވަނީ ބަންދުކޮށްފައެވެ.
