ޓާޝަރީ ހޮސްޕިޓަލެއް ގޮތަށް ފެސިލިޓީތައް ޤާއިމުކޮށް މި މަހު 16 ގައި ދަރުމަވަންތަ ހޮސްޕިޓަލް ރަސްމީކޮށް ހުޅުވަން ސަރުކާރުން ނިންމައިފިއެވެ.
ދަރުމަވަންތަ ހޮސްޕިޓަލަކީ ކުރީގެ ރައީސް އަބްދުﷲ ޔާމީންގެ ސަރުކާރުގައި ތަރައްޤީކޮށް ނިންމާ ކުރީގެ ރައީސް އިބްރާހިމް މުހައްމަދު ޞާލިހްގެ ސަރުކާރުގައި ބޭނުންކުރަން ފެށި ހޮސްޕިޓަލެކެވެ. ނަމަވެސް އެ ހޮސްޕިޓަލް ރަސްމީކޮށް ހުޅުވާފައެއްް ނުވެއެވެ.
ރޭ ދަރުބާރުގޭގައި ބޭއްވި ޖުމްހޫރީ ދުވަހުގެ ޖަލްސާގައި ވާހަކަފުޅުދައްކަވަމުން ރައީސް ވިދާޅުވީ ދަރުމަވަންތަ ހޮސްޕިޓަލް މި މަހުގެ 16 ވަނަ ދުވަހު ރަސްމީކޮށް ހުޅުވަން ނިންމާފައިވާ ކަމަށެވެ.
އެގޮތުން މި މަހުގެ 16 ގައި ދަރުމަވަންތަ ހޮސްޕިޓަލަށް ބޭނުންވާ ހުރިހާ ޚިދުމަތެއް ޤާއިމުކޮށް ޓާޝަރީ ހޮސްޕިޓަލަކަށް ހެދުމަށްފަހު ހުޅުވަން ނިންމާފައިވާ ކަމަށް ރައީސް ވަނީ ވިދާޅުވެފައެވެ.
