އީރާނުގެ ވެރިރަށް ތެހެރާނުގެ މަގަކަށް ފަލަސްތީނުގެ މިނިވަންކަމަށް ޖިހާދުކުރަމުންދާ ހަމާސްގެ ސިޔާސީ ލީޑަރު ޝަހީދު އިސްމާއިލް ހަނިއްޔާގެ ނަން ދީފިއެވެ.
ޝަހީދު ހަނިއްޔާގެ ނަމުން ނަން ދީފައި ވަނީ ތެހެރާނުގެ ކުރީގެ އުތުރު ފަލަސްތީނުގެ މަގަށެވެ.
އިސްމާއިލް ހަނިއްޔާ އާއި އޭނާގެ ބޮޑީގާޑަކު ޝަހީދުކޮށްލާފައި ވަނީ ޖުލައި 31 ވަނަ ދުވަހު ތެހެރާނުގައެވެ. އެއީ އީރާންގެ އާ ރައީސް މަސްއޫދު ޕެޒެސްކިއާން މަޤާމާ ހަވާލުވެވަޑައިގަތުމުގެ ރަސްމިއްޔާތަށް ވަޑައިގެން އުޅުއްވަނިކޮށް ހަނިއްޔާ ހުންނެވި ގެކޮޅަށް ޔަހޫދީން ދިން ހަމަލާއެއްގަ އެވެ. އެ ފަދަ ހަމަލާއެއްދީ ހަނިއްޔާ އަވަހާރަކޮށްލުން ބައިނަލްއަޤްވާމީ ދުނިޔޭން ވަނީ ވަރަށް ބޮޑަށް ކުށްވެރިކޮށްފައެވެ. އޭގެ ތެރޭގައި ރަޝިޔާ،ޗައިނާ ފަދަ ޤައުމުތައްވެސް ހިމެނެއެވެ.
