ހއ. ވަށަފަރު ޕޮލިސް ޕޯސްޓު ހުޅުވައިފިއެވެ.
އިއްޔެ ވަށަފަރުގައި ބޭއްވި ރަސްމިއްޔާތުގައި ޕޮލިސް ޕޯސްޓު ހުޅުވައިދެއްވީ ކޮމިޝަނަރ އޮފް ޢަލީ ޝުޖާއު އާއި ވަށަފަރު ކައުންސިލު ރައީސް އަޙްމަދު މުޢީންއެވެ.
ިމި ރަސްމިއްޔާތުގައި ވާހަކަދައްކަވަމުން ކޮމިޝަނާ ވިދާޅުވީ ”ފުލުހުން ތިބުމުން އިޖުތިމާއީ އަދި އިގުތިސާދީ ތަރައްގީއަށް މި ރަށުގެ ރައްޔިތުން ކުރަމުންދާ މަސައްކަތްތަކަށް އިތުރު އެހީތެރިކަމެއް ލިބިގެންދާކަމީ އެއްވެސް ޝައްކެއް އޮތްކަމެއް ނޫން. މިއަދު ވަށަފަރު ރައްޔިތުންނަށް ފުލުހުންގެ ޚިދުމަތް ފެށިގެން ދިއުމަކީ ރަށުގެ ރައްޔިތުންނަށް ލިބޭނެ ވަރަށް ބޮޑު އުފަލެއް.” ކަމަށެވެ.
ޕޮލިސް ޕޯސްޓު ހުޅުވައި ދެއްވައި ކޮމިޝަނަރ އޮފް ޕޮލިސް ޢަލީ ޝުޖާއު ދެއްކެވި ވާހަކަފުޅުގައި، ވަށަފަރަކީ ކުށްމަދު ރަށެއްކަން ފާހަގަވެފައިވާ ކަމަށް ކޮމިޝަނަރ ވިދާޅުވިއެވެ.
އެހެންކަމުން އެ ރަށުގައި ގާއިމުވެތިބޭ ފުލުހުންނަކީ ހަމައެކަނި ބޮޑުކަމެއް ދިމާވުމުން އެތަނަށް ހާޒިރުވާންތިބޭ ފުލުހުންނަށް ނުވުމަށާއި، ރަސްމީ ޑިއުޓީގަޑީގައި ވީހާވެސް ބޮޑަށް ރަށުތެރޭގައި ހަރަކާތްތެރިވެ ރައްޔިތުންނާ ގާތުން މަސައްކަތްކުރުމަށް ކޮމިޝަނަރ އެދިލެއްވިއެވެ.
މި ރަސްމިއްޔާތުގައި، ޑެޕިއުޓީ ކޮމިޝަނަރ އޮފް ޕޮލިސް ފަރުހާދު ފިކުރީއާއި ފުލުހުންގެ އެގްޒެކެޓިވް ބައެއް އޮފިސަރުންނާއި ކޮމިޝަންޑު އޮފިސަރުންނާއި އެހެނިހެން ރޭންކުތަކުގެ ފުލުހުންގެ އިތުރުން ހއ. އަތޮޅު ކައުންސިލު ރައީސް މޫސާ ޝަފީޤް އަދި ރަށުގެ މުއައްސަސާގެ މުވައްޒަފުންނާއި ބައެއް ރައްޔިތުން ބައިވެރިވެލެއްވިއެވެ.
