މޮސްކޯގެ ކޮންސްޓްރަކްޝަން ސައިޓެއްގައި ނަޖިސްހޮޅިއެއް ފަޅައިގެން ދިއުމުގެ ސަބަބުން ދިހަ ބުރީގެ ހައުސިންގ ޓަވަރަކަށް ވުރެމައްޗަށް ނަޖިހާއެކު ނަޖިސްފެން އަރައިފިއެވެ. މިކަން ހިނގިމަންޒަރުގެ ވީޑިއޯތައް މިއަދުވަނީ ސޯޝަލް މީޑިޔާގައި ވައިރަލްވެގެން ގޮސްފައެވެ. ހޮޑުލަވައިގަންނަ ފަދަ މިވީޑިއޯ އިން ފެން ގޮތުގައި މައްޗަށް އެރި ނަޖިސް ފައިބާފައިވަނީ ކައިރީގައި ޕާކް ކޮށްފައިވާ ކާރު ތަކުގެ މައްޗަށާ އަދި އެހެން ތިރި އިމާރާތްތަކާ އެހިސާބުގައި އުޅުނު އާންމުންގެ ގަޔަށެވެ.
ބައެއް ޗެނެލަތަކުން ޚަބަރު ދީފައިވާ ގޮތުގައި މިކަން ހިނގަން ދިމާވީ ޕްރެޝަރުގަ ފެން ދޫކޮށްފައިވާ ހޮޅިއެއްވެސް ފަޅައިގެން ދިއުމުންނެވެ.
އެހިސާބުގައި މަސައްކަތް ކުރިޔަށް ދިޔައީ އައު ގޭސް ހޮޅިތަކެއް އެޅުމަށެވެ. އަދި ޕްރެޝަރުގަ ފެން ފޮނުވަނީ ހޮޅިތައް ސާފުކޮށް ހުސްކޮށްލުމަށް ކަމަށް ވެއެވެ. ހަމަ މިއަދު ހާލަތު ކޮންޓްރޯލް ވެފައިވާ ކަމަށާ ޚާއްސަ ޓީމް ތަކުން ގޮސް ސާފު ކުރުމުގެ މަސައްކަތް ފަށާފައިވާ ކަމަށް ގޭހާއި ފެނުގެ ޚިދުމަތްދޭ އޭޖެންސީ ގެޒްޕްރޮމް އިން ބުނެފައިވާ ކަމަށް ވެއެވެ.
މިހާދިސާއާއި ގުޅިގެން އިންޓަނެޓްގައި ގިނަބަޔަކު ދަނީ ކޮމެންޓް ކުރަމުންނެވެ.އެވީޑިއޯ 3.7މިލިއަން މީހުން ބަލާ 43،000ލައިކް ދީފައިވެއެވެ.އަދި 10ހާސް ފަހަރު ރިޕޯސްޓް ކޮށްފައި ވެއެވެ.
