މެދުއިރުމަތި އަދި އުތުރު އެފްރިކާގެ ފުރަތަމަ އަދި އެންމެ ބޮޑު ”ލޯކޮސްޓް“ ނުވަތަ އަގުހެޔޮ ކެރިއަރ އޮޕަރޭޓަރ ކަމަށްވާ އެއާ އެރޭބިއާ ގެ ދަތުރުތައް ރާއްޖެޔަށް ފަށާ، ފުރަތަމަ ދަތުރު އާދީއްތަ ދުވަހު ވަނީ ބާއްވާފައެވެ. މި ދަތުރުތައް އޮންނާނީ ޝާރުޖާ އިންޓަނޭޝަނަލް އެއާޕޯޓުން ސީދާ ވެލާނާ އިންޓަނޭޝަނަލް އެއާޕޯޓަށެވެ.
އެއާ އެރޭބިޔާގެ ދަތުރުތައް ރާއްޖެޔަށް ފެށުން ފާހަގަ ކުރުމުގެ ގޮތުން އާދީއްތަ ދުވަހު ވެލާނާ އިންޓަނޭޝަނަލް އެއާޕޯޓް އަދި ޝާރުޖާ އިންޓަނޭޝަނަލް އެއާޕޯޓް ގައި ވަނީ ޚާއްސަ އިޙްތިފާލް ތައް ބާއްވާފައެވެ.މިހަރަކާތްތަކުގައި ދެފަރާތުގެ އިސް އޮފިޝަލުން ވަނީ ބައިވެރި ވެފައެވެ.
އެއާ އެރޭބިޔާ ގެ ފުރަތަމަ ފްލައިޓް ވެލާނާ އިންޓަނޭޝަނަލް އެއާޕޯޓް ގައި ޖެއްސުމުން،އާދަކާދައިގެ މަތިން ވަނީ ފެނުގެ ސެލިއުޓް އެއް ދީފަ އެވެ. އަދި އެއާޕޯޓްގައި ޚާއްސަ ވެލްކަމް ސެރެމަނީއެއްވަނީ ބާއްވާފައެވެ.
މި ފްލައިޓްގެ ދަތުރުތައް ކޮންމެ ދުވަހަކުވެސް އޮންނާނެއެވެ.
