އިސްރާއީލަކީ މުޅި ދުނިޔެއަށް އޮތް ބޮޑު ނުރައްކަލެއް ކަމަށާއި ޕާކިސްތާން އޮތީ އީރާނާއެކު ކަމަށް ޕާކިސްތާނުގެ އިސްލާމިސްޓް ސިޔާސީ ޕާޓީއެއް ކަމަށްވާ ޖަމާއަތު އިސްލާމްގެ ނައިބު ލީޑަރު އިލްމުވެރިޔާ ލިޔާޤަތު ބަލޫޗް ވިދާޅުވެއްޖެއެވެ.
މީޑިއާ ރިޕޯޓްތައް ބުނާ ގޮތުން ޕާކިސްތާނުގެ ޖަމާއަތު އިސްލާމްގެ ޑެޕިއުޓީ ލީޑަރު ދާދިފަހުން ދިން އިންޓަވިއުއެއްގައި ވަނީ ”އިސްރާއީލަކީ ދުނިޔެއަށް ބޮޑު ނުރައްކަލެއް“ ކަމަށް ވިދާޅުވެ، ”ޕާކިސްތާން އޮތީ އީރާނާ އެކު“ ކަމަށް ވިދާޅުވެފައެވެ.
އިސްލާމީ ޖުމްހޫރިއްޔާއާ ދެކޮޅަށް އިޒްރޭލުން ހިންގަމުން އަންނަ ނުބައި އަމަލުތައް ކުށްވެރި ކުރާ ކަމަށާއި އިޒްރޭލުން އީރާނުގެ ސަރަހައްދަށް އަރައިގަތުމަކީ ބައިނަލްއަޤްވާމީ ޤާނޫނުތަކާއި އަދި އިސްތިގުލާލާއި ޚިލާފުވުމެއް ކަމަށް ލިޔާޤަތު ވަނީ ވިދާޅުވެފައެވެ.
ދާދިފަހުން އިސްރާއީލުން އިރާނަށް ދިން ހަމަލާއަށް އިޝާރާތްކޮށް ލިޔާޤަތު ވިދާޅުވީ ޕާކިސްތާނުގެ ބޮޑުވަޒީރާއި ފޮރިން މިނިސްޓްރީން އެކަމާ ގުޅޭގޮތުން ނެރުނު ބަޔާނަށް މަރުޙަބާ ކިޔާ ކަމަށެވެ. ޝައްކެއްވެސްނެތް ގޮތުގައި ޕާކިސްތާނުގެ ސަރުކާރާއި އޮފިޝަލުން ކޮންމެ މުސީބާތެއްގައި އީރާނުގެ ފަހަތުގައި ތިބޭނެ ކަމަށް ލިޔާޤަތު ވިދާޅުވެފައި ވެއެވެ.
މީގެ އިތުރުން މިއަދު ދުނިޔޭގެ ހުރިހާ މުސްލިމުން އެއްބައިވެ ދުޝްމަނުންނާ ދެކޮޅަށް ހަނގުރާމަ ކުރުމަށް ވަރުގަދަ ކޯލިޝަނަކާއި އިއްތިހާދެއް އުފެއްދުމަކީ ވާޖިބު ކަމެއް ލިޔާޤަތު ފާހަގަކުރެއްވި އެވެ. މިޞްރާއި ގަތަރާއި ތުރުކީ އަދި އުރުދުން އެއްބައިވަންތަކޮށް ދުޝްމަނުންނާ ދެކޮޅަށް އިސްލާމީ އުއްމަތުގެ މަސްލަހަތު ރައްކާތެރިކުރާ ކޯލިޝަނެއް އުފައްދަން ޖެހޭކަމަށް ލިޔާޤަތު ވިދާޅުވިއެވެ.
