ޓީޗަރަކު ސްކޫލުގައި ކިޔަވަމުންދިޔަ ދަރިވަރުންތަކެއް ގްރޫމް ކުރި މައްސަލައެއް ފެންމަތިވެ ފުލުހުން އެ މައްސަލަ ބަލަން ފަށައިފި އެވެ.
ފުލުހުން ބުނީ ގްރޫމް ކުރި ކަމަށް ތުހުމަތު ކުރެވޭ މައްސަަލައެއް މިދިޔަ ބުރާސްފަތި ދުވަހު ރިޕޯޓުކޮށްފައިވާ ކަމަށެވެ. އެގޮތުން ސްކޫލުގެ ފިރިހެން ޓީޗަރަކު ދަރިވަރުންގެ އުމުރާ ނުގުޅޭ ވާހަކަ ދައްކައި ގްރޫމް ކުރި ކަމަށް ތުހުމަތު ކުރެވޭ ކަމަށް ފުލުހުން ހާމަކުރެއެވެ.
މި ހާދިސާ ހިނގާފައި ވަނީ މ، ފ، ދ، ތ އަދި ލ. އަތޮޅުގައި ހިމެނޭ ރަށަކުންނެވެ.ކުޑަކުދިންނާ ގުޅުންހުރި މި ފަދަ މައްސަލަތަކުގައި ކުއްޖާގެ ވަނަވަރު ރައްކާތެރި ކުރުމުގެ ގޮތުން ފުލުހުން ކުއްޖާގެ އަތޮޅާއި ރަށެއް ހާމައެއް ނުކުރެއެވެ.
ފުލުހުން ބުނީ މި މައްސަލަ ތަހުގީގު ކުރަމުން އަންނަ ކަމަށެވެ.
