ސުރުޚީއަކީ އިސްރާއީލުގެ ވެރިންގެ ޚާއްސަ އިއުތިރާފެކެވެ. ވަރަށްބޮޑު ތެދެކެވެ. އެމެރިކާގެ މަދާދާ ނުލައި އިސްރާއީލަކީ އެއްވެސް ބާރެއް ހުރި ގައުމެއް ނޫނެވެ. ހަތިޔާއި ޓެކްނޯލޮޖީއާއި އިގްތިސާދަކީ ހިލޭސާބަހަށް އެމެރިކާއިން އިސްރާއީލަށް ފޯރުކޮށްދޭ އެހީތަކެކެވެ. މެދުއިރުމަތީގައި އެމެރިކާގެސްޓޭޓެއް ބޭއްވުމުގެ މަގްސަދުގައެވެ. މި ޚާއްސަ ޖުމުލައާ ދޭތެރޭ އަޅުގަނޑުމެން ވިސްނާލުން ރަނގަޅެވެ.
އަޅުގަނޑުމެންގެ ކިއުންތެރިންނަށް މި ގެނެސްދެނީ ފަލަސްތީނުގެ ބިމުގައި އިސްރާއީލުން ހިންގަމުން ގެންދާ ގަތުލު ޢާންމާއި ބެހޭގޮތުން އަޅުގަނޑުމެންނަށް ގަބޫލުކުރެވޭ ބައެއް ކަންތަކެވެ. އަޅުގަނޑުމެންގެ މި ލިއުމުގައި އިސްލާމް ދީނުގެ ބައެއް އިލްމުވެރިންބަސްފުޅުތަކުގެ އަލީގައި މާތް ﷲ ގެ ކޯފާ އަތުވެދާނެގޮތްތައް ދެނެގަނެވިދާނެ ބައެއް އިޝާރާތްތަކަށް އަލިއަޅުވާލާފައި ވާނެއެވެ. އަޅުގަނޑުމެންގެ ލިއުމުގައި އަލިއަޅުވާލަން ގަސްދުކުރާކަންތައް ތަކަކީ ދުނިޔެ ހޫނުވުން ނުވަތަ ޖައްވުތެރެއަށް އަންނަމުންދާ ބަދަލެއްގެ ސަބަބުން މެދުވެރިވާ ކަމެކޭ ބުނެފާނެ މީހުންވެސް ތިބެދާނެއެވެ. އަދި އެކަންތައްތަކަކީ އިންސާނުންގެ އަމަލުތަކާއިވެސް ގުޅިފައިވާ ކަންތަކޭ ބުނާނެ ބަޔަކުވެސް ތިބެދާނެއެވެ. އަޅުގަނޑުމެން ގަބޫލު ކުރާގޮތުގައި އިންސާނިއްޔަތަށް މެދުވެރިވާ ކޮންމެ ރަނގަޅު ކަމަކާއި ނުރަނގަޅު ކަމެއްގެ ފަހަތުގައި އިންސަނުންގެ އަމަލުތަކުގެ ވަރަށް މުހިންމު ދައުރެއް އޮންނާނެއެވެ. އިސްލާމީ ތާރީޚުގައި އެފަދަ ވަރަށް ގިނަ ހާދިސާތަކެއް ވަނީ ގެނެސް ދީފައެވެ.
ގައްޒާގައި އިސްރާއީލުން ހިންގަމުން ގެންދާ ގަތުލު އާންމުގެ މޭސްތިރިއަކީ އެމެރިކާކަމުގައި ބުނަން ޖެހެއެވެ. އިސްރާއީލުންވެސް އިއުތިރާފު ވަމުންގެންދާ ގޮތުގެ މަތިން އެމެރިކާގެ އެއްބާރުލުން ނުލިބޭނަމަ އިސްރާއީލުން ފަލަސްތީނާ ދެކޮޅަށް ކާމިޔާބު ހަނގުރާމައެއް ނުކުރެވޭނެއެވެ.
އެމެރިކާގެ ރިޔާސަތާ ދޭތެރޭ ވިސްނާލައިފިނަމަ ދެ ކަމެއް ފާހަގަ ކުރެވޭނެއެވެ. ފުރަތަމަ ކަމަކީ އެމެރިކާއިން ހަތިޔާރު އުފެއްދުމުގައި އެންމެ އިސް ދައުރެއް އަދާކުރާ އެއް ޝަހަރަކީ އުތުރު ކެރޮލީނާއެވެ. އެ ޝަހަރުގެ ރައްޔިތުންގެ ތެރެއިން ގިނަބަޔަކީ މުސްލިމުންނާ ވަރަށް ދެކޮޅު ވިސްނުމެއްގެ އަހުލުވެރިބައެވެ. ފަހަކަށް އައިސް ގައްޒާއަށް ހަމަލާދިނުމަށްޓަކައި ވައިގެ މަގުން ހަތިޔާރުތައް ފޮނުވަމުންދާއިރު އެކަމާ އުފާ ފާޅުކޮށް ފަލަސްތީނު ނައްތާލުމަށް ގޮވާ ހަދަމުން ގެންދެއެވެ.
މިނަޒަރުން ބަލާއިރު މުއްސަނދި ޔަހޫދީންގެ އެންމެ ބޮޑު އާބާދީ އެއް ދިރިއުޅެމުން ގެންދާ ސަރަހައްދަކީ ފްލޮރިޑާއެވެ. އެމެރިކާގެ ކޮންގްރެސް ކޮންޓްރޯލް ކުރަނީ ފްލޮރިޑާގެ މުއްސަނދި ޔަހޫދީންނޭ ބުނުމަކީ ދޮގަކަށް ނުވާނެއެވެ. ޚުލާސާ ގޮތެއްގައި ބުނާނަމަ އެމެރިކާގެ ކޮންގްރެސްގެ ލަގަނަކީ މުއްސަނދި ޔަހޫދީންގެ ބޮޑު އާބާދީއެއް އޮންނަ ފްލޮރިޑާއެވެ. އުތުރު ކެރޮލީނާގައި ހަތިޔާރު އުފެއްދުމަށް އެންމެ ގިނައިން ފައިސާ ހޭދަކުރަނީ ފްލޮރިޑާގެ ޔަހޫދީންނެވެ. އުތުރު ކެރޮލީނާއާއި ފްލޮރިޑާ އެއްފަރާތަށް އެރީމާ އެމެރިކާ އޮންނާނީ އެފަރާތަށް 45 ދަރަޖައަށް އަރިވެފައޭ ބުނެވިދާނެއެވެ. ހަތިޔާރާއި ފައިސާގެ ބުރަދަނުގައެވެ.
އިސްރާއީލުން ގައްޒާ ފަނާކުރުމުގެ ހަމަލާތައް މިފަހަރު ފަށައިގަތީ 2023 ވަނަ އަހަރު އޮކްޓޯބަރ މަހުގެ 7 ވަނަ ދުވަހު އެވެ. އެ ހަމަލާތަކަށް އެއް އަހަރު ފުރި 2 ވަނައަހަރު ފެށުނު ދުވަހު އެމެރިކާގެ އުތުރު ކެރޮލީނާއާއި ފްލޮރިޑާގައި ހިނގާދިޔަ ކަންތައްތައް ދިވެހިނޫސްތަކުން މާބޮޑަށް ފާހަގަކޮށްފައެއް ނުވެއެވެ. އެހެންނަމަވެސް އެއީ ކުރިމަތިލާން ޖެހުނު ގުދުރަތީ ބޮޑު މުސީބާތެއްގެ ސަބަބުން އެމެރިކާއާއި ޚާއްސަކޮށް ހުޅަނގުގެ ބައެއް ގަމުތަކުން ގޮތް ހުސްވި ދުވަހެކެވެ. އޭގެ ދިހަ ވަރަކަށް ދުވަސްކުރިން އެޓްލާންޓިކް ކަނޑުން ހިއްލާލި ހެލީނާގެ ނަންދެވުނު ބާރުގަދަ ތޫފާނު އުތުރު ކެރޮލީނާ އެފުށް މިފުށަށް ޖަހާލީ އޮކްޓޮބަރު 8 ވަނަ ދުވަހުގައެވެ. ފަލަސްތީނަށް ހަމަލާދިނުމަށްޓަކައި ހަތިޔާރު ގެންގޮސްދޭ މައިމަރުކަޒަކީ ގުދުރަތުގެ ނިޔާގެ ކުރިމަތީގައި އެއްވެސް އާރެއް ބާރެއް ހުރި ތަނަކަށްނުވިއެވެ. 210 ކިލޯމީޓަރުގެ ބާރުމިނުގައި ޖެހެމުންދިޔަ ވައިގެ ތެރޭގައި ގެތައް ބުރަބުރައިގެން ދިޔައިރު އެކަންހުއްޓުވޭނެ ހަތިޔާރެއެ އެމެރިކާއިން ތައްޔާރުކުރެވިފައެއް ނެތެވެ. 10 މިލިއަން މީހުންގެ އާބާދީ އެއް އޮންނަ އުތުރު ކެރޮލީނާގެ 8 މިލިއަން މީހުން ދާނެ ނުދާނެ ވަކި ތަނެއް ނެތި ވިއްސި ވިހާލި ކޮށްލީއެވެ. ކާނެ އެއްޗެއް ބޯނެއެއްޗެއް އަންނައުނުގަނޑެއްނެތި މާތް ﷲ ގެ އުޑުދަށުގައި ބަރަހަނާ ކޮށްލީއެވެ. އެމެރިކާ ސަރުކާރުގެ އަންދާޒާގައި ބުނެފައިވަނީ އުތުރު ކެރޮލީނާއަށް ލިބުނު ގެއްލުން އާރާސްތުކުރުމަށްޓަކައި 35 ބިލިއަން އެމެރިކާ ޑޮލަރު ހޭދަވާނެ ކަމަށެވެ.
މިހާލަތުގައި ދެން ފްލޮރިޑާއަށް ބަލާލަމާ ހެއްޔެވެ. އޮކްޓޯބަރ މަހުގެ 7 ވަނަ ދުވަހު ފްލޮރިޑާއަށް އެރި ތޫފާން މިލްޓަނުން ވެސް ގަޑިއަކު 210 ކިލޯމީޓަރުގެ ބާރުމިނުގައި ޖެހުނު ވަޔާއެކު ބީއްސަމުންދިޔަ 20 ފޫޓު އުސްމިނުގެ ބިޔަ ރާޅުތައް ދިޔައީ މުޅިޝަހަރު ބިމާ ހަމަކޮށްލާފައެވެ. އެ ސަރަހައްދުގައި ދިރިއުޅެމުންގެންދިޔަ 22 މިއަން މީހުންގެ ތެރެއިން 20 މިލިއަން މީހުންގެ މުޅި ދިރިއުޅުން އެ ބާރުގަދަ ވަޔާއި އުސްރާޅުތަކުގެ ތެރޭގައި ދިޔަ ނުދިޔަ ތަނެއްވެސް ނޭގެއެވެ. ދުނިޔޭގެ ތާރީޚުގައި ވަރަށް މަދުން މެނުވީ މިވަރުގެ ގަފަދަފަ ތޫފާނުތައް ރެކޯރޑް ކުރެވިފައެއް ނުވެއެވެ. އެމެރިކާ ސަރުކާރުގެ އަންދާޒާގައި ފްލޮރިޑާއަށް ލިބުނު ގެއްލުން އާރާސްތު ކުރުމަށް 200 ބިލިއަން ޑޮލަރަށް ވުރެން ގިނައިން ހޭދަކުރަން ޖެހޭނެއެވެ.
މާތް ﷲ ގެ ކޯފާ ފޮނުއްވާނެތަނަކާއި ސަބަބު އިންސާނުންނަށް އަންގަވާކަށް ނުޖެހެއެވެ. ބައެއް އިލްމުރިންގެ ބަސްފުޅުތަކުން އެނގިފައިވާގޮތުގައި މޫސާގެފާނު މާތް ﷲ ގެ ހަޒުރަތުގައި ދެންނެވި ދުޢާއެއްގައި އިނބަ ﷲ މި އަޅަމެންނާމެދު ރުހިވޮޑިގެންނުވާކަން އެނގޭނީ ކިހެނެއްތޯ ސުވާލު ދެންނެވުމުން ނު މޫސުމުގައި ވާރޭވެހުން ގިނަ ވުމާއި އެކަށީގެންނުވާ މީހުން ވެރިންނަށް އިސްކުރުން ފަދަ ކަންތައް ހިމެނޭ ކަމަށް މޫސާގެ ފާނަށް އެންގެވިކަމަށް ވެއެވެ.
