ޤައުމީ ފެންވަރުގެ ދިވެހި ބޭސްވެރިކަމުގެ ކޯސްތަކެއް ފަށަން މޮލްޑިވްސް ޕޮލިޓެކްނިކުން ތައްޔާރުވެއްޖެއެވެ.
މިކަންހާމަކޮށް މޯލްޑިވްސް ޕޮލިޓެކްނިކްގެ ސީއީއޯ ޛޫޝާން ކަމާލުއްދީން މިހެން ވިދާޅުވީ ޕޮލިޓެކްނިކުން ގއ. ވިލިގިއްޔަށާއި ގދ. ގައްދޫއަށް ކުރެއްވި ދަތުރަށްފަހުއެވެ.
އެގޮތުން ޛޫޝާން ވިދާޅުވީ މިގޮތަށް އަތޮޅުތަކަށް ކުރެވޭ ދަތުރުތަކުން ރަށްރަށުގެ މީހުން ތަމްރީންވާން ޑިމާންޑް ހުރި ދާއިރާތަކާއި، ރާއްޖެއަށް އިންސާނީ ވަސީލަތްތައް ބޭނުންވާ ދާއިރާތައް ދެނެގަތުމަސް ފަސޭހަވެގެން ދާކަމަށެވެ. އަދި އައު ކޯސްތައް ފެށުމަށް ބޭނުންވާ މައުލޫމާތާއި ފަންނުވެރިން ހޯދުމަށްވެސް ފަސޭހަވެގެންދާކަމަށެވެ.
މި ދަތުރުގައި ދިވެހި ބެސްވެރިކަމުގެ ފަންނުވެރިންނާއި ދިމާވެ، އެބެފުޅުންނާއި ގުޅިގެން އެ ދާއިރާއިން ކޯސްތައް ފެށުމާއި ގުޅޭގޮތުން މަޝްވަރާ ކުރެވިފައިވާ ކަމަށާއި އަމާޒަކީ އަންނަ އަހަރު އެކޯސްތައް ފެށޭވަރު ކުރުން ކަމަށް ޛޫޝާން ވިދާޅުވިއެވެ.
މި ދަތުރުގައި ޕޮލިޓެކްނިކްގެ ދެ ކެމްޕަސް ކަމަށްވާ، ގދ. ގައްދޫ އަދި ގއ. ވިލިނގިލި ކެންޕަސްއަށް ޒިޔާރަތްކޮށް، އެ ދެ ކެމްޕަހުގައި އެކި ދާއިރާތަކުގެ ކޯސްތަށް ހިންގުމަށް މިނިސްޓްރީ އޮފް ހަޔަރ އެޑިޔުކޭޝަން، އެންޑް ސްކިލްސް ޑިވެލޮޕްމަންޓްގެ ފަރާތުން ބޭނުންވާ އެއްބާރުލުމާއި އެހީތެރިކަމާމެދު މަޝްވަރާކޮށްފައި ވެއެވެ.
