ޣައްޒާގެ މެދުތެރޭގައި އޮންނަ އަލް އަގްސާ މަތީރް ހޮސްޕިޓަލަށް އިސްރާއީލުން އިއްޔެ ދިން ބޮމުގެ ހަމަލާތަށް އިސްލާމިކް ރިޕަބްލިކް އޮފް އީރާނުން ކުށްވެރިކޮށްފި އެވެ.
އީރާނުގެ ފޮރިން މިނިސްޓްރީގެ ސްޕޯކްސް ޕާސަން އިސްމާއިލް ބަޣާއީ ވިދާޅުވީ މި ހަމަލާއަކީ ހަނގުރާމައިގެ ޖަރީމާއެއްގެ ފުރިހަމަ މިސާލެއް ކަމަށެވެ. އަދި މިއީ ފަލަސްތީނުގެ ނަސްލު ނައްތާލުމުގެ ޕްލޭންގެ ބައެއް ކަމަށް އޭނާ ވިދާޅުވިއެވެ.
ހަމައެހެންމެ ބައިނަލްއަގްވާމީ ގާނޫނުތަކުން މަދަނީ ތަންތަނާއި އަމާޒުތަކަށް ހާއްސަކޮށް ހޮސްޕިޓަލްތަކަށާއި މެޑިކަލް އެއިޑް ސެންޓަރުތަކަށް ހަމަލާ ދިނުމަކީ މަނާ ކަމެއްކަންވެސް ބަޣާއީ ފާހަގަކުރެއްވި އެވެ.
ބަޣާއީ ވިދާޅުވީ އިސްރާއީލަށް ތާއީދުކޮށް އެމެރިކާއާއި އިނގިރޭސިވިލާތުން ބައިނަލްއަޤްވާމީ ކްރިމިނަލް ކޯޓުން އިސްރާއީލުގެ ލީޑަރުން ޖަވާބުދާރީ ކުރުވުމަށް ބައިނަލްއަޤްވާމީ އެއްވެސް ފިޔަވަޅެއް އެޅިޔަސް ހުއްޓުވާ ކަމަށެވެ.
މި ޖަރީމާތަކަށް އަދަބު ނުލިބޭނެ ކަމުގެ ޔަގީންކަން ދިނުމަކީ އިސްރާއީލުގެ އަނިޔާވެރިކަމާއި ޣައްޒާ އާއި ލުބުނާނުގައި ޖަރީމާތައް ކުރިއަށް ގެންދިއުމަށް މެދުވެރިވި މައިގަނޑު އެއް ސަބަބު ކަމަށް އޭނާ ވިދާޅުވިއެވެ.
އިއްޔެ އިސްރާއީލުން ޣައްޒާގެ މެދުތެރޭގެ ހޮސްޕިޓަލް ކޮމްޕައުންޑަކަށް ދިން ވައިގެ ހަމަލާއަކުން ގެދޮރު ގެއްލިފައިވާ މީހުން ދިރިއުޅޭ ޓެންޓްތަކުގައި އަލިފާން ރޯވެ، ހަތަރު މީހަކު މަރުވެ، ގިނަ ބަޔަކު ވަނީ ޒަހަމްވެފައެވެ.
One Response
Madhanee than thanah hama laa dhinumakee American happiness. Nafsuge dhifaau ga Japan ge eythah haas rayyithun maraalee America. Eyhen bayakah onna haggeh noon Israel andhaa lumakee.
Eykam America in kuraa gothah hanguraama koggen menu vee America Bali nukureveyne. Furathama Israel and haalu dhen hanguraama iulaan kurun noon gotheh America in gabool nukuraane!