މަޖީދީމަގުގައި މިއަދު މަގު ހުރަސް ކުރަން އުޅުނު ތިން އަހަރުގެ އަންހެން ކުއްޖެއްގެ ގައިގައި ސައިކަލަކުން ޖެހި އެކްސިޑެންޓެއް ހިނގައިފިއެވެ.
ފުލުހުން މިއަދު ބުނީ މަޖީދީމަގު،ވިލާ މާޓު ކައިރި ކަފިހި ހުރަހުން މަގު ހުރަސް ކުރަން އުޅުނު ތިން އަހަރުގެ އަންހެން ކުއްޖެއްގެ ގައިގައި ސައިކަލަކުން ޖެހި އެކްސިޑެންޓް ވެފައިވާކަމަށް މިއަދު 03:40 ހާއިރު ރިޕޯޓްކޮށްފައިވާ ކަމަށެވެ.
އެގޮތުން މި ހާދިސާގައި އެ ކުއްޖާ ވެއްޓި ނިތްކުރިމަތި ދުޅަވެފައިވާ ކަމަށް ފުލުހުން ހާމަކުރެއެވެ.އަދި އެ ކުއްޖާ ވަނީ އައިޖީއެމްއެޗަށް ގެންގޮސްފައި ކަމަށް ފުލުހުން ހާމަކުރެއެވެ.
މީގެ އިތުރުން ފުލުހުން ބުނީ ސައިކަލު ދުއްވި މީހާއަކީ ލައިސަންސް އޮންނަ މީހެއް ކަމަށާއި އެއީ ދިވެހި ފިރިހެނެއް ކަމަށެވެ. އެހެންކަމުން މިކަން ތަހުގީގު ކުރަމުން އަންނަ ކަމަށް ފުލުހުން ހާމަކުރެއެވެ.
