މީގެ ނުވައަހަރު ކުރިން ދުވަހު އުޖޫރަޔަށް އާދައިގެ މަސައްކަތް ކުރުމަށް އޮސްޓްރޭލިޔާއަށް ބަދަލުވި ސްރީލަންކާގެ ޒުވާން ފިރިހެން ކުއްޖަކު މިލިއަނަރަކަށް ވެއްޖެ ކަމަށް ވެއެވެ. މިއަދު އުމުރުން 25 އަހަރުގައި ކަރުނާރަތުނާ ދުވާލަކު އެއްހާސްޑޮލަރާ 1،400 ޑޮލަރާ ދެމެދުގެ އަދަދަކަށް ފައިސާ ހޯދާ ކަމަށް ވެއެވެ.
ކަރުނާރަތުނާ ކިޔާ ޒުވާނާ2015 ވަނަ އަހަރު ފުރަތަމަ އޮސްޓްރޭލިޔާއަށް ބަދަލުވުމަށްފަހު ވަޒީފާއެއް ލިބުނީ ސެވަން އިލެވަންގެ ފިހާރައަކުން ކަމަށް ވެއެވެ. މިތަނުގައި ހުރެ ސާފުކުރުމުގެ މަސައްކަތް ރަނގަޅަށް ދަސްވުމަށްފަހު 2019 ވަނަ އަހަރު ”އެއާޓާސްކާ“ ކިޔާ ޕްރޮފެޝަނަލް ގްރޫޕަކާ ގުޅުނެވެ. މިގްރޫޕަކީ ކޮންޓްރެކްޓް ނަގައިގެން ތަންތަން ސާފުކުރުމާ އެކަހަލަ މަސައްކަތް ކުރާ ފަރާތްތައް ހިމެނޭ ގްރޫޕެކެވެ.މިގްރޫޕް މެދުވެރިކޮށް ސާފުކުރުމާ،ފަރުނީޗަރުރޭވުމާއި ގޭތެރޭގެ މަސައްކަތްތަކާ،އަދި ގޯތިތެރޭގެ މަސައްކަތްތައް އައުޓްސޯސް ކުރެއެވެ.
”އެއާޓާސްކާ“ އިން ބުނެފައިވާ ގޮތުގައި ކަރުނާރަތުނާއަކީ އެގްރޫޕް މެދުވެރިކޮށް އެންމެ ގިނައިން އާމްދަނީ ހޯދާ އެއްފަރާތެވެ.އޭނާ ދުވާލެއްގެ މައްޗަށް އެއްހާސްޑޮލަރާ ސާދަސަތޭކަޑޮލަރާ ދެމެދުގެ އަދަދަކަށް ފައިސާ ހޯދާ ކަމަށް ވެއެވެ.
ޑެއިލީ މެއިލް ނޫހުން ރިޕޯޓް ކޮށްފައިވާ ގޮތުގައި ކަރުނާރަތުނާ އާންމުކޮށް ކުރަނީ ބޮންޑަޑް ކްލީނިންގ މަސައްކަތެވެ.އެއީ ކުއްޔަށްދޭ އެޕާޓްމެންޓާ އެފަދަ ތަންތަން ހުސްވުމުން އަލުން ބަޔަކަށް ދިނުމުގެ ކުރިން ސާފުކުރާ ކުރުމެވެ. ބޮންޑަޑް ކްލީނިންގ ގެ އިތުރުން އޮފީސްތައް ސާފުކުރުމާ ކާޕެޓް ސާފުކުރުން ފަދަ ވަކިވަކި މަސައްކަތް ވެސް އޭނާ ކުރާ ކަމަށް ވެއެވެ.
”އެއާޓާސްކާ“ ގެ ފައުންޑާ އަދި ސީއީއޯ ބުނި ގޮތުގައި ކޮންމެ މީހަކަށްވެސް ބުރަކޮށް މަސައްކަތް ކުރުމުން ފައިސާ ލިބޭނެކަން ކަރުނާރަތުނާ ގެ މިސާލުން ހާމަވެއެވެ.އަދި ކަރުނާރަތުނާ އަކީ އެހެން ޒުވާނުންނަށް ރަގަޅު މިސާލެއް ކަމަށްވެސް އޭނާ ބުނެފައި ވެއެވެ.
އޮސްޓްރޭލިޔާގެ ލޯކަލް ނިއުސް ޗެނެލް އަކަށް ދިން އިންޓަރވިއު އެއްގައި ކަރުނާރަތުނާ ބުނެފައިވާ ގޮތުގައި އޭނާ މަސައްކަތް ފެށިއިރު އެއްވެސް ރިސޯސްއެއް ނުވަތަ އާލާތެއްވެސް އޭނާގެ އަތަކުނެތެވެ.އޭރު އޮތީ ހަމައެކަނި ވެކުމް އަކާއި މޮޕާ ބާލިދީ އަދި ބާފޮތި ފަދަ ތަކެތި ކަމަށް އޭނާ ބުނެފައި ވެއެވެ.އެއީ އާދައިގެ ގެއެއްގައިވެސް ހުންނާނެ ތަކެތި ކަމަށް އޭނާ ބުނެފައި ވެއެވެ.
ނަމަވެސް ބުރަމަސައްކަތުން ބޭނުންވާ ހުރިހާ ސާމާނު ހޯދާ ސެވަން އިލެވަންގެ ވަޒީފާ ދޫކޮށް ”އެއާޓާސްކާ“ އާއި ގުޅި ކޮންޓްރެކްޓް މަސައްކަތް ނަގަން ފެށީކަމަށް އޭނާ ބުނެފައި ވެއެވެ.
އޭނާ ބުނެފައިވާ ގޮތުގައި މިއީ ދެއަތުން ކުރާ ބުރަ މަސައްކަތް ނަމަވެސް އާމްދަނީ ވަރަށް ރަނގަޅަށް ލިބެއެވެ. މީގެ އިތުރުން ބޭނުން ވަގުތަކު މަސައްކަތް ކުރެވޭ ގޮތަށް އޮތުމާ އަދި އެހެން މީހެއްގެ ދަށުން މަސައްކަތް ނުކޮށް އަމިއްލަ ބޮސް އަށް ވެހުރެވޭތީ ވެސް އޭނާހުރީ އުފަލުންނެވެ.
ނޯޓު: ރާއްޖޭގައި ޑްރެއިން ސާފު ކުރުމާ ޖަންކްޝަން ސާފުކުރުން އަދި އެޕާޓްމަންޓް ސާފުކުރުން ފަދަ މަސައްކަތް ކުރަން އަންނަ ބޭރު ”މީހުން“ ވެސް ދުވާލަކު ތިންހާސްރުފިޔާ އަށް ވުރެގިނައިން ހޯދާ މީހުން މަދެއް ނުވާނެކަން ޔަގީނެވެ. މިއިން ކޮންމެ މީހަކުވެސް މިހާރު މިލިއަނަރުން ނަށް ނޫނީ މަހުޖަނުންނަށް ވާނެތާއެވެ.
