އެމެރިކާގެ ޔުނައިޓެޑް ސްޓޭޓްސް އެޖެންސީ ފޯ އިންޓަނޭޝަނަލް ޑިވެލޮޕްމަންޓް (ޔޫއެސްއެއިޑް)އިން ރާއްޖޭގެ ޑިމޮކްރަސީ ކުރިއަރުވަން 4.4 މިލިއަން ޑޮލަރު ދޭން ނިންމާފައިވާކަން ހާމަކޮށްފިއެވެ.

މިކަންހާމަކޮށްފައި ވަނީ އދ ގެ އާންމު މަޖިލީހުގެ ހަވާސާގައި ޔޫއެސްއެއިޑުގެ އެޑްމިނިސްޓްރޭޓާ ސަމައިންތާ ޕަވާއެވެ.

އެގޮތުން ޑިމޮކްރަސީ ކުރިއެރުވުމަށް ރާއްޖެއަށް 4.4 މިލިއަން ޑޮލަރުގެ އެހީ ދޭން ނިންމާފައިވާއިރު އޭގެ ތެރެއިން ތިން މިލިއަން ޑޮލަރު ދޭން ނިންމާފައި ވަނީ މީޑިއާ ލިޓްރެސީ ޕްރޮގްރާމިން ހަރުދަނާކޮށް ޕަބްލިކް އަދި މީޑިއާގެ ދާއިރާގައި ދެފުށް ފެންނަ ނިޒާމެއް ގާއިމުކޮށް އިންފޮމޭޝަން ރެޒިލިއަންސް އިތުރު ކުރުމަށެވެ.

މީގެ އިތުރުން 1.4 މިލިއަން ޑޮލަރު ދޭން ނިންމާފައި ވަނީ ޑިމޮކްރެޓިކް ހައްގުތަކަށް ހޭލުންތެރިކަން އިތުރުކުރުމަށާއި، ސިވިކް އެންގޭޖްމަންޓާއި، ލޯކަލް ކައުންސިލްތަކާ ގުޅިގެން ކުރިއަށް ގެންދާ މަސައްކަތްތަކާއި، އަންހެނުންގެ ތަރައްޤީއަށެވެ.