ގެއްލިގެން ހޯދަމުންދިޔަ ހއ. ހޯރަފުށި/ ހީރާ، މުޙައްމަދު ސާއިފް 30އ ފެނިފައިވާ ކަމަށް ފުލުހުން ބުނެފިއެވެ.
އޭނާ ގެއްލިގެން ހޯދަން އިއުލާނުކުރީ މިއަދު މެންދުރުއެވެ.
އޭގެ ފަހުން މިރޭ އިރުއޮއްސުނުހާއިރު ފުލުހުން ކުރި ޕޯސްޓެއްގައި ބުނީ އެ ޒުވާނާ މާލެއިން ފެނިފައިވާ ކަމަށެވެ. އަދި ހާލުވެސް ރަނގަޅު ކަމަށެވެ.
ފުލުހުން މިއަދު މެންދުރު ކުރި ޕޯސްޓެއްގައި ބުނީ ހއ. ހޯރަފުށި / ހީރާ، މުޙައްމަދު ސާއިފް (30އ) މިހާރު ދިރިއުޅޭ އެޑްރެސް: ހުޅުމާލެ ފުލެޓް 205-2-35 ޚަބަރެއްނުވެ ގެއްލިފައިވާ ކަމަށް އާއިލާއިން ރިޕޯޓުކޮށްފައި ވާތީ އޭނާ ހޯދުމުގެ މަސައްކަތް ފުލުހުން ކުރަމުން އަންނަ ކަމަށެވެ.
