ވިއެޓްނާމްގެ މީހަކު ގެމްބްލިންގ ގައިދަރަނިވެރިވެ،ދަރަނި އަދާކުމަށް ފައިސާ ހޯދުމަށް އަމިއްލަ ބޮޑުބޭބެ ގެ ކައްވަޅު ކޮނެ ކަށިނަގާ އާއިލާއަށް ބިރުދައްކާ،ކަށިތަކުގެ ބަދަލުގައި ފައިސާ ދިނުމަށް އެދެފިއެވެ. ބޮޑުބޭބެ މަރުވެފައިވަނީ މީގެ ހަތަރު އަހަރު ކުރިން ކަމަށް ވެއެވެ.
ބޮޑުބޭބެގެ ކަށިތައް ރައްދުކުރާނީ 203،000 ޑޮލަރު ދިނުމުން ކަމަށާ އެއީ ގެމްބްލިން ދަރަނި ދެއްކުމަށް ކަމަށް އޭނާ ބުނެފައި ވެއެވެ.
އުތުރު ވިއެޓްނާމްގެ ތަންހޯ އަށް ނިސްބަތްވާ މިމީހާ ވަނީ ބޮޑުބޭބެގެ ސަންދޯކުގައި 20 ސެންޓިމީޓަރުގެ ލޯވަޅެއް އަޅައިގެން ކަށިނަގާފައި ކަމަށް ވެއެވެ.އަދި ކަށި ނަގާ މަހާނަކައިރީ ފުންޏަކަށް ޖެހުމަށްފަހު އާއިލާއަށް މިކަން އެންގި ކަމަށް ވެއެވެ.
ވިއެޓްނާމްގެ މީޑިޔާ އައުޓްލަޓް އަކާހަވާލާދީ ވިއޯން ޗެނެލުން ބުނެފައިވާ ގޮތުގައި ނާމް ނަމަކަށް ކިޔާމީހާ މިއަމަލު ހިންގުމަށްފަހު ބޮޑުބޭބެގެ ދަރިއަކަށް ބިރުދައްކާ ޓެކްސްޓް މެސެޖެއް ފޮނުވާފައި ވެއެވެ.ކަށިތަކުގެ ބަދަލުގައި ފައިސާ ދިނުމަށާ އަދި ފުލުހުން ނަށް ނުގުޅުމަށް އެދިފައި ވެއެވެ.
މިއާއެކު އާއިލާއިން އަވަހަށް ގަބުރުސްތާނަށް ގޮސްބެލިއިރު މަހާނަކޮނެ ސަންދޯކުގައިވަނީ ބޮޑު ލޯވަޅެއް އަޅާފައެވެ.އެހެން ކަމުން އެމީހުން ވަގުތުން ވަނީ ފުލުހުންނަށް ގުޅާފައެވެ.
ސެޕްޓެމްބަރު ނުވަ ވަނަ ދުވަހު ހިނގި މިހާދިސާ އަށްފަހު ފުލުހުން ތަހުގީގު ފަށާ ބެލިބެލުމުން އެމީހާ ވަނީ ހިފިފައެވެ. އަދި ކަށްވަޅު ކޮނުމާ ބިރުދެއްކުމުގެ ކުށުގައި ހައްޔަރު ކޮށްފައެވެ.އޭގެފަހުން އޭނާވަނީ ކުށަށް އިއުތިރާފްވެސް ވެފައެވެ.
ފުލުހުން ފަހުން ވަނީ ކަށިތައް ހޯދާ އާއިލާ އާއި ހަވާލުކޮށްފައެވެ.
ގަބުރު ކޮނުމަކީ ވިއެޓްނާމްގައި ގާނޫނީ އަދަބު ކަނޑައެޅިފައިވާ ކުށެކެވެ.މިގޮތުން ހަތްއަހަރުދުވަހާ ހަމަޔަށް ޖަލު ހުކުމެއް އައިސް ދާނެއެވެ.ބިރު ދެއްކުމަށް 20އަހަރު ދުވަހުގެ ޖަލުހުކުމެއް އައިސްދާނެއެވެ.
އޭނާ އަށް ދޭނެ އަދަބު އަދި ކަނޑަނާޅާ ކަމަށްވެއެވެ.
