މިއީ މި ބަލި ޖެހިފައިވާ ކަމަށް އެ ޤައުމުގައި ރިކޯޑު ކުރެވުނު ފުރަތަމަ ޕޭޝެންޓެވެ.
އިންޑިއާގެ ހެލްތު މިނިސްޓްރީން ބުނީ މި ބަލި ޖެހިފައި ވަނީ އެ ބަލި ފެތުރެމުން އަންނަ ޤައުމަކަށް ދާދިފަހުން ދަތުރުކުރި ޒުވާން ފިރިހެނަކަށް ކަމަށެވެ.
އެހެންކަމުން އޭނާ ހޮސްޕިޓަލެއްގައި އެކަހެރިކޮށްފައިވާއިރު އޭނާގެ ހާލު ”ސްޓޭބަލް“ ކަމަށް އިންޑިއާގެ ހެލްތު މިނިސްޓްރީން އާދީއްތަ ދުވަހު ނެރުނު ބަޔާނެއްގައި ބުނެފައި ވެއެވެ.
ނަމަވެސް އޭނާއަށް ޖެހިފައި ވަނީ އެމްޕޮކްސްގެ ކޮން ވޭރިއެންޓެއް ކަން އަދި މިހާތަނަށް ދެނެގަނެވިފައި ނުވާ ކަމަށާއި އެ ކަން ދެނެގަތުމަށް އެ މިނިސްޓްރީން މިހާރު ދަނީ ތަހުލީލުތައް ކުރަމުން ކަމަށްވެސް ބުނެފައި ވެއެވެ.
