ޖުލައި މަހުގައި ޗައިނާގައި ބޭއްވި އޮޓޯ ބާޒާރުގައި އެގައުމުން ވިއްކި އުޅަނދުތަކުގެ ދެބައިކުޅަ އެއްބަޔަކީ ކަރަންޓުން ދުއްވާ އުޅަނދު (އީވީ) އަދި ޕްލަގް އިން ހައިބްރިޑް އުޅަނދު ފަހަރުކަމަށް އެބާޒާރުގެ ވިޔަފާރި ތަފާސްހިސާބުތަކުން ދައްކައިފިއެވެ.
މި ބާޒާރުގެ ވިޔަފާރި ތަފާސްހިސާބުތަކުން ޓެކްނޮލޮޖީގެ ރޮނގުން ނަންކުރާ އެމެރިކާއަށްވުރެ ޗައިނާ އޮތީ އެތައް ދަރަޖައެއް ކުރީގައިކަން ހާމަވެއެވެ.
ޗައިނާ ޕެސެންޖަރ ކާރ އެސޯސިއޭޝަން (ސީޕީސީސީ) އިން ބުނެފައިވަނީ، އޮޓޯ ބާޒާރުގައި ވިކުނު މުދަލުގެ 50.7 އިންސައްތަ އަކީ ކާރުކަނުގައިވާއިރު، އެނަރޖީ ވިހެކަލްސް (އެންއީވީ) ގަތް އަދަދު ޖުލައި މަހުގެ ތެރޭގައި ވަނީ އިތުރުވެފައެވެ. މިގޮތުން، މީގެ ކުރީ އަހަރުގެ އެމުއްދަތާއި އަޅާބަލާއިރު އިލެކްޓްރިކް ވިހެކަލްސް ގަތް އަދަދު 37 އިންސައްތަ އިތުރުވެފައެވެ.
މީގެ 3 އަހަރުކުރިން އެންއީވީ ހިއްސާކުރަނީ ޗައިނާގައި ވިއްކާ އޮޓޯމޮބައިލްސްގެ 7 އިންސައްތައެވެ. އެހެންނަމަވެސް، ޗައިނާއިން ކަރަންޓުން ދުއްވާ އުޅަނދުތަކަށް ކުރާ ޚަރަދު އިތުރުކުރުމާއެކު، ޗައިނާގައި އުފައްދާ އެފަދަ އުޅަނދުތަކަށް ބައިނަލްއަޤްވާމީ ބާޒާރުގައްޔާއި ޗައިނާގެ އެތެރޭގެ ބާޒާރުގައި އޮންނަ ޑިމާންޑު އިތުރުވެއްޖެއެވެ. އަދި ބޭރުގެ ބްރޭންޑްތަކަށް އޮންނަ ޑިމާންޑަ ދަށްވުމާއެކު، އެގައުމުތަކުންވެސް ޗައިނާއާއި ފައިހަމަކުރުމުގެ މަސައްކަތާއިގެން އަވަސްވެގަނެއްޖެއެވެ.
