ހަމާސްއިން ރަހީނުކޮށްފައި ތިބި ފަރާތްތައް ދޫކޮށްލުމަށް މަޖުބޫރުކުރެވޭނެ އެންމެ އިންސާފުވެރި އެންމެ ހަމަ ގޮތަކީ ޣައްޒާގެ ރައްޔިތުންނަށް ކާބޯތަކެތި މަނާކޮށް ބަނޑަށް ޖައްސައިގެންކަމަށާއި، އެހެންނަމަވެސް ދުނިޔޭގެ ނުރުހުމާއި ރުޅިވެރިކަން އަމާޒުވާނެތީ އެކަން ކުރެވެން ނެތްކަމަށް އިޒްރޭލުގެ މާލީ ވަޒީރު، ބިޒާލެލް ސްމޮޓްރިޗް ބުނެފިއެވެ.
ޣައްޒާއަށް ކާބޯތަކެއްޗާއި އިންސާނީ އެހީ ވައްދާ ދޮރުތައް ބަލަހައްޓަނީ އިޒްރޭލުންނެވެ ނަމަވެސް އެތަކެތި ބެހުމާއި ހަވާލުވެ ތިބީ ޣައްޒާތެރޭގައި ތިބި އިންސާނީ އެހީދޭ ޖަމިއްޔާތަކުގެ ވަފްދުތަކުންނެވެ
ހަރުކަށި ކަނާއަތުގެ ސިޔާސީވެރީން ބޭއްވި މަހާސިންތާއެއްގައި ވާހަކަދައްކަމުން ސްމޮޓްރިޗް ޝަކުވާ ކޮށްފައިވަނީ ޣައްޒާއަށް ކާބޯތަކެއްޗާއި އިންސާނީ އެހީ ވެއްދުމަށް އިޒްރޭލަށް މަޖުބޫރުކުރުވަމުން ގެންދާކަމަށެވެ. އަދި ހަމާސްއާއި ދެކޮޅަށް މަސައްކަތް ކުރުމަށް އިޒްރޭލަށް “ޤާނޫނީ ސައްހަކަން” ބޭނުންވާރީ މިކަމުގައި އެއްވެސް އިޚްތިޔާރެއް ނެތްކަމަށެވެ.
އޭނާ ބުނީ އިންސާނީ އެހީ ދިނުމަށް ހުރަސް އަޅައި ދަތިކޮށްގެން ހަމާސް މުޖާހިދުން އައްޔަށް ނެރެން އިޒްރޭލުން ބޭބުންވިނަމަވެސް، އަދުގެ ބައިނަލްއަޤްވާމީ މަދްރަހަށް ބަލައި، އެކަން އެގޮތަށް ކުރެވޭކަން ނެތްކަމަށެވެ.
