އިދިކޮޅު އިހްތިޖާޖުތަކާގުޅިގެން މަގާމުން އިސްތިއުފާދެއްވި ބަންގްލާދޭޝްގެ ކުރީގެ ބޮޑުވަޒީރު ޝެއިޚް ހަސީނާ އިންތިޚާބް އިއުލާންކުރުމުން އެނބުރި ގައުމަށް ވަޑައިގަންނަވާނެ ކަމަށް ހަސީނާގެ ދަރިކަލުން ސަޖީބު ވަޒެދް ޖޯއީ ވިދާޅުވެއްޖެއެވެ.

އެތައްހަފްތާއަކަށް ދެމިގެންދިޔަ އިދިކޮޅު މުޒާހަރާ ތަކާގުޅިގެން އިސްތިއުފާދެއްވުމަށްފަހު ގައުމު ދޫކުރައްވާ ޝެއިޚް ހަސީނާ ވަޑައިގެންނެވީ އިންޑިޔާ އަށެވެ. އެއަށްފަހު އަދިވެސް ހުންނެވީ އިންޑިޔާގައި ކަމަށް ވެއެވެ.

ބަންގްލާދޭޝް މީޑިޔާ ބުނާގޮތުން މުޒާހަރާތަކުގައި ފައްސަތޭކައަށް ވުރެގިނަ މީހުން ވަނީ މަރުވެފައެވެ.މީގެ ތެރެއިން ގިނަބަޔަކު މަރުވީ ފުލުހުން ބަޑިޖެހުމުގެ ސަބަބުންނެވެ.

ޖުލައިމަހުގެ މެދެއްހާ ހިސާސާބުގައި ފެށުނު އިދިކޮޅު ހަރަކާތަކީ 1971 ވަނަ އަހަރު ބަންގްލާދޭޝްގެ މިނިވަންކަން ހޯދުމަށް ކުރި ހަނގުރާމަޔަށްފަހު އެގައުމު ދުއް އެންމެ ގެއްލުން ބޮޑު ހަރަކާތެވެ.

ބީބީސީ އަށް މައުލޫމާތު ދެއްވަމުން ވަޒެދު ޖޯއީ ވިދާޅުވީ ވަގުތީ ސަރުކާރުން އިންތިޚާބްގެ ތާރީޚް ކަނޑައެޅުމުން ހަސީނާއެނބުރި ގައުމަށް ވަޑައިގަންނަވާނެ ކަމަށެވެ. ވަޒެދު ވަނީ ވަގުތީ ސަރުކާރު އެކުލަވާލެވުނު ގޮތަށްވެސް ފާޑުވިދާޅުވެފައެވެ. އަދި އެއީ ގާނޫނާ ޚިލާފަށް ކުރެވުނު ކަމެއް ކަމަށާ 90ދުވަހުގެތެރޭގައި އިންތިޚާބް ބާއްވަން ޖެހޭނެ ކަމަށް ވިދާޅުވިއެވެ.

އަސްކަރިއްޔާގެ މަދަދާއެކު އުފައްދާފައިވާ ވަގުތީ ސަރުކާރުގެ އީސްލީޑަރަކަށް އައްޔަން ކޮށްފައިވަނީ ނޯބެލް އިނާމް ހާސިލް ކުރައްވާފައިވާ މުހައްމަދު ޔޫނުސްއެވެ.16އެޑްވައިޒަރުންނާއެކު ވަގުތީ އައު ސަރުކާރު ހުވާކޮށްފައިވަނީ ބުރާސްފަތި ދުވަހުއެވެ.މި 16އެޑްވައިޒަރުންގެ ތެރޭގައި ކިޔަވާކުދިންގެ ތެރެއިން އިސްކޮން ހަރަކާތްތެރިވި ދެލީޑަރުން ހިމެނެއެވެ.

އައިޓީ އެކްސްޕަރޓް އެއްކަމަށްވާ ވަޒެދް ދިރިއުޅުއްވަނީ އެމެރިކާގައެވެ.އޭނާވަނީ ހަސީނާ ސަރުކާރުގެ އައިޓީ އެޑްވައިޒަރެއްގެ ގޮތުގައިވެސް މަސައްކަތް ކުރައްވާފައެވެ.

ވަޒެދް ވިދާޅުވިގޮތުގައި ޝެއިޚް ހަސީނާއާއި މެދު ކަންތައް ކުރެވުނު ގޮތުން ހުންނެވީ ވަރަށް ބޮޑަށް ހިތްޕުޅުހަމަޖެހިވަޑައިނުގެން ކަމަށެވެ. އެހެން ކަމުން ސިޔާސީ މަސައްކަތަށް އެނބުރި ވަޑައިގަންވާނެކަން ނުވަތަ ނޫންކަން ވިދާޅުވާން އަދި ނޭނގޭކަމަށް ވިދާޅުވިއެވެ.

ސަރުކާރު ވަޒީފާގެ ބޮޑުބައެއް އާންމުންނަށް ނުލިބޭގޮތަށް އޮންނާތީ އެކަމާ ދެކޮޅުހެދުމުގެ ގޮތުން ކިޔަވާކުދިންފެށި ހަރަކާތް ފުޅާވެގެން ދިޔައީ ފުލުހުން ހަރުކަށިކަންދައްކަން ފެށުމުންނެވެ.

ބަންގްލާދޭޝްގައި މިއަދުވެސް މިނިވަން އިންސާފުވެރި އިންތިޚާބެއް ބާއްވައިފިނަމަ އާވާމީ ލީގުން އިންތިޚާބް ކުރާނެކަމުގެ ޔަގީންކަން އެބައޮތް ކަމަށް ވަޒެދް ވިދާޅުވިއެވެ.

2009ން ފެށިގެން ވެރިކަން ކުރައްވަމުންގެންދަވާ ޝެއިޚް ހަސީނާ ހަތަރުވަނަ ދައުރަކަށް ހޮވިވަޑައިގެންފައިވަނީ މިދިޔަ ޖަނަވަރީމަހު ބޭއްވުނު އިންތިޚާބުގައެވެ.މިއިންތިޚާބް އިދިކޮޅު ގިނަ ފަރާތްތަކުން އޮތީ ބޯއިކޮޓް ކޮށްފައެވެ