ރަޝިއާގައި ކްރިޕްޓޯކަރަންސީ މައިންކުރުން ހުއްދަކުރާ ގާނޫނެއް ރައީސް ވްލާޑިމިރް ޕުޓިން ސޮއިކުރައްވައި ތަސްދީގުކުރައްވައިފިއެވެ.
ތަސްދީގުކުރެވުނު ގާނޫނުގެ ދަށުން ޑިޖިޓަލް ކަރަންސީ މައިންކުރުމުގެ އިތުރުން، މައިނިންގް ޕޫލްތަކާއި، މައިނިންގް އިންފްރާސްޓްރަކްޗަރއޮޕަރޭޓްކުރުމުގެ ހުއްދަ ވަނީ ލިބިފައެވެ. މީގެއިތުރުން، ކްރިޕްޓޯ މައިންކުރުމުގައި ބައިވެރިވާ ފަރާތްތަކުގެ ހައްޤުތަކަކީ ކޮބައިކަމާއި އެފަރާތްތަކަށް މަނާކަންކަމަކީ ކޮބައިކަން އެ ގާނޫނުގައި ވަނީ ލިޔެފައެވެ.
މިގޮތުން، ކްރިޕްޓޯކަރަންސީ މައިންކުރުމަކީ ޑިޖިޓަލް ފައިސާ ހޯދުންކަމުގައި ނުބެލެވޭނެ ކަމަށާއި، ބެލެވޭނީ ވިޔަފާރިކުރުމުގެގޮތުގައެވެ.
އައު ޤާނޫނުގެ ދަށުން ކްރިޕްޓޯކަރަންސީ މައިން ކުުރުމުގެ ހުއްދަ ދީފައި ވަނީ ރަޝިޔާގެ ޤާނޫނީ ޝަހުސުތަކަށާއި ސަރުކާރުގައި ދަފްތަރު ކުރެވިގެން ހިންގާ ކުންފުނިތަކަށް ކަމުގައި ބުނެފައިވާ ނަަމަވެސް ވަކިވަކި ފަރާތްތަކަށް ރަޖިސްޓަރީ ކުރުމެއް ނެތި ސަރުކާރުން ކަނޑައަޅާ އިމުގެ ތެެރެއިން ކްރިޕްޓޯ މައިން ކުރެވޭނެއެވެ.
