އެމެރިކާގެ ބޮޑު ޓެކް ކުންފުންޏެއް ކަމަށްވާ، ގޫގްލްއިން އޮންލައިން ސާރޗް މޮނޮޕޮލައިޒް ކޮށްފައިވަނީ ޤާނޫނާއި ޚިލާފަށްކަމަށް އެމެރިކާގެ ކޯޓަކުން ނިންމައިފިއެވެ.
ޔޫއެސް އެންޓި-ޓްރަސްޓް ވުޒާރާތަކުން ބޮޑެތި ޓެކް ކުންފުނިތަކާއި ދެކޮޅަށް ހުށައެޅި ގިނަ ގާނޫނީ މައްސަލަތަކެއް ކޯޓުތަކުގައި ހިނގަމުންދާއިރު، ގޫގްލައާއި ދެކޮޅަށް ނެރުނު އަމުރުވެގެން ގޮސްފައި ވަނީ އެ ވުޒާރާތަކަށް ލިބުނު ބޮޑު ކާމިޔާބީ އަކަށެވެ.
އެމެރިކާގެ އިންސާފާއި ބެހޭ ވުޒާރާއިން 2020 ވަނަ އަހަރު ބަލަން ފެށި މި މައްސަލައިގައި ބުނީ، ގޫގްލައިން ސާރޗް މާރކެޓުގެ އެންމެ ކުރީގައި ސާބިތުވެ އޮތުމުގެ ފަހަތުގައިވާ ސިއްރަކީ، ޚިދުމަތްދޭ އެހެން ކުންފުނިތަކަށް މައުލޫމާތަށް ހުރަސް އަޅައިގެން ކަމަށެވެ.
ހުށަހެޅުނު ހެއްކާއި ޤަރީނާއަށް ރިއާޔަތްކޮށް ކޯޓަށް ޤަބޫލުކުރެވެނީ ”ގޫގުލްއަލީ މޮނޮޕޮލިސްޓެއް ކަމަށް.އަދި ޚިދުމަތް މޮނޮޕޮލައިޒް ކުރުމަށް އެ މީހުންވަނީ މަސައްކަތްވެސް ކޮށްފައި“ އެމެރިކާގެ ޑިސްޓްރިކްޓް ކޯޓް އޮފް ކޮލަމްބިއާގެ ޣާޒީއެއް ވަނީ ނިންމާފައެވެ.
