ޔޫއޭއީގެ 10 އަހަރުގެ ރަށްވެހިކަން ހޯދުމުގެ ފުރުސަތު އޮންނަ، ގޯލްޑެން ވިސާގެ މަގުބޫލުކަން މަހުޖަނުންގެ މެދުގައި އިތުރުވެ، އެކުވެރި އަރަބި އިމާރާތައް މީހުން ހިޖުރަކުރާ މިންވަރު އިތުރުވެފައި ވާކަން ބޭންކަށް ވަންނަ ޑިޕޮސިޓް ފައިސާގެ އަދަދުތަކުން އެނގޭކަމަށް އެގައުމުގެ ބޭންކުތަކުން ބުނެފިއެވެ.
މިގޮތުން، މި ވިސާ ހޯދުމަށްޓަކައި ޔޫއޭއީގެ ބޭންކުތަކަށް 2 މިލިއަން ދިރުހަމްގެ ޖުމްލަ އިންވެސްޓްމަންޓް މަދުވެގެން 2 އަހަރު ދުވަސްވާންދެން މެދުނުކެނޑި ކުރަން ޖެހެއެވެ. އަދި ދިގުމުއްދަތައް އެތަނުގައި ދިރިއުޅެފައިވާކަމުގެ ހެކީގެ ގޮތުގައި ބޭންކުން ސިޓީއެއް ދޭގޮތައް ހަމަޖެހިފައި އޮންނަނީ މި ޝަރުތު ފުރިހަމަ ވުމުންނެވެ.
”މުދާ ރަހުނުކުރި އަދަދަށާއި އެކައުންޓުތަކަށް ޖަމާކުރި ފައިސާއަށް ބަލާލުމުންވެސް ދިގުމުއްދަތަށްދޭ ވިސާއަށް އޮތް މަގުބޫލުކަން ފެނޭ.” އާރްއޭކޭ ބޭންކްގެ ރީޓެއިލް ބޭންކިންގްގެ މެނޭޖިންގް ޑިރެކްޓަރ، ޝެހްޒާދް ހަމީދު ބުނެފައިވެއެވެ.
