ދިވެހިރާއްޖެއަށް މަލްޓި ޕާޓީ ޑިމޮކްރަސީ އައި ފަހުން ދެވަނަ ދައުރަކަށް އިންތިޚާބުވެވަޑައިގަންނަވާ ފުރަތަމަ ރައީސަކަށް މިހާރުގެ ރައީސް ޑރ. މުޙައްމަދު މުޢިއްޒު ވެވަޑައިގަންނަވާނެ ކަމަށް ނައިބު ރައީސް އަލްއުސްތާޒު ޙުސައިން މުޙައްމަދު ލަޠީފު މިރޭ ވިދާޅުވެއްޖެއެވެ.
ނައިބު ރައީސް މިހެން ވިދާޅުވީ ސަރުކާރު ހިންގާ މައި ޕާޓީ ޕީއެންސީއިން މިރޭ ބޭއްވި ޖަލްސާއެއްގައެވެ.
ޖަލްސާގައި ވާހަކަފުޅު ދައްކަވަމުން ނައިބު ރައީސް ވިދާޅުވީ ރާއްޖޭގައި މިހާރު ވެރިކަން ކުރަމުން އަންނަނީ ރައްޔިތުން ބޭނުންވާ ގޮތަށް ކަމަށެވެ. އަދި ކޮންމެ ކަމެއްގައި ވެސް ރައްޔިތުންގެ ކަންބޮޑުވުންތައް ރައީސް ޑރ. މުއިއްޒު އަޑުއައްސަވަމުން ގެންދަވާކަން ފާހަގަކުރެއްވިއެވެ.
އެކަން ފާހަގަކުރައްވައި ނައިބު ވިދާޅުވީ ގާނޫނު އަސާސީ 04 ވަނަ މާއްދާގައި ބަޔާންކުރާ ދައުލަތުގެ ބާރުތައް ފެށިގެން އަންނަނީ ރައްޔިތުންގެ ކިބައިންކަން ރައީސް ޑރ. މުއިއްޒު އަބަދުވެސް ހަނދުމަފުޅު ހުންނާނެ ކަމަށެވެ.
އެގޮތުން މިސާލެއް ނަންގަވައި ނައިބު ރައީސް ވިދާޅުވީ ދާދިފަހުން ގައުމީ ޔުނިވަރސިޓީގެ ދަރިވަރުންގެ ކަންބޮޑުވުން އަޑުއައްސަވައި ރައީސް ޑރ. މުޢިއްޒު ވަނީ ނިންމެވުމެއް ބަދަލު ކުރައްވާފައިވާ ކަމަށެވެ.
ނައިބު ރައީސް އެ އިޝާރާތް ކުރެއްވީ ގައުމީ ޔުނިވަރސިޓީގައި މެޑިސިން ކިޔަވާ ދަރިވަރުން ދަރުމަވަންތައިން ނެރެން ނިންމި ނިންމުމަށެވެ. ދަރިވަރުން ކަންބޮޑުވުން ފާޅުކުރުމުން ރައީސް ވަނީ އެ ނިންމުން ވަނީ ބަދަލު ކުރައްވައިފައެވެ.
މި މޭރުމުން ދެއްކެވި ވާހަކަފުޅުގައި ނައިބު ރައީސް ވިދާޅުވީ ރައްޔިތުން ރައީސް ޑރ. މުއިއްޒަށް ކުރެއްވި އިތުބާރު ރިޔާސީ އިންތިހާބުން ފެނިގެން ދިޔަ ކަމަށާއި އޭގެ ހެއްކަކީ ރިޔާސީ އިންތިހާބުގައި އެކި ލެވެލްގެ ބޭފުޅުންނާ ވާދަކުރައްވައި ރައީސް ޑރ. މުޢިއްޒު ހޯއްދެވި ކާމިޔާބީ ކަމަށެވެ. އެއަށްފަހު މިދިޔަ ރައްޔިތުންގެ މަޖިލިސް އިންތިޚާބާއި, ލޯކަލް ކައުންސިލުތަކުގެ ބައި-އިލެކްޝަންތަކުގައި ޕާޓީން ހޯދި ކާމިޔާބީން ވެސް އެކަން ވަރަށް ރަނގަޅަށް ހާމަވެގެންދިޔަ ކަަމަށެވެ.
އެހެންްކަމުން ދެވަނަ ދައުރަކަށް ރައްޔިތުން އިންތިޚާބު ކުރާނެ ފުރަތަމަ ރައީސަކަށް ޑރ. މުޢިއްޒު ވެވަޑައިގަންނަވާނެ ކަމަށް ނައިބު ރައީސް ވިދާޅުވިއެވެ.
One Response
Thikahala thanwh dhoreh nushanna buraanthin hoveyne gothaky makaraa ..dhogaa heelathun