އުމުރުން ދުވަސްވާއިރުވެސް ހަށިގަނޑު މުސްކުޅި ނުވާ މީހުން ދެކެމުހެއްޔެވެ؟ ޒުވާންކަމުގެ ކޯރުން ފެންވަރާ ބައެއް ފަދައިން، އުމުރުން 60 އަހަރުގައިވެސް، 40 އަހަރުގެ މީހެއް ފަދައިން ފެންނަ މީހުން އެބަތިއްބެވެ. އެމީހުންގެ ސިއްރަކީ ކޮބައިކަން އެނގޭ ހެއްޔެވެ؟

އެފަދައިން ޒުވާންކަން ދެމެހެއްޓުމުގެ ފަހަތުގައިވަނީ އާދައިގެ މަތިން ކޮންމެ ދުވަހަކު ކުރާ ބައެއް ކަންކަމެވެ. މިގޮތުން ދިރާސާވެރިންނަށް ފާހަގަކުރެވިފައިވާ 7 ކަމަކަށް ބަލާލާނަމެވެ. 

1. ނިންޖަށް އަހައްމިއްޔަތުކަން ދިނުން

ނިންޖަކީ އިންސާނެއްގެ ހަށިގަނޑަށް ބޭނުންވާ އެންމެ މުހިންމު އެކައްޗެވެ. އެ ނުލިބިއްޖެނަމަ  ނަފްސަށް ގެއްލުންވާ އަސަަސީ ބޭނުމެކެވެ. ދޮށީ އުމުރުގައި ޒުވާންކޮށް ތިބޭ މީހުންނަކީ ރޭގަނޑުގެ ނިދި އިސްކުރާ ބައެކެވެ. އެއީ ކިހާ ވަރެއްގެ ކިހާ މުހިންމުކަމެއްކަން އެމީހުންނަށް އެނގެއެވެ. 

އިންސާނާގެ ހަށިގަނޑަށް ލިބޭ އަނިޔާތައް ރަނގަޅުކޮށް، ހަށިގަނޑު ތާޒާކޮށް އާރޯކަން ގެނެސްދެނީ އޭނާ ނިދަން އޮންނަ ވަގުތުގައެވެ. މިގޮތުން، ހަނގަނޑުގެ ތާޒާކަމާއި ޒުވާންކަން ދެމެހެއްޓުމަށްޓަކައި އެންމެ ބޮޑު ރޯލެއް ކުޅެނީ އޭނާގެ ހަށިގަނޑަށް ލިބޭ ނިދިންނެވެ. 

2. ގިނަ ގިނައިން ފެންބުއިން

ފެނަކީ ހަށިގަނޑަށް ނުހަނު މުހިންމު އެއްޗެކެވެ. އަދި ޒުވާންކަން މަތީގައި ގިނަ ދުވަހު ދެމިތިބޭ މީހެންގެ ފަރާތުން ފެންނަ އަނެއް އާދައަކީ ގިނަ ގިނައިން ފެން ބުއިމުގެ އާދައެވެ. 

ދާކޮންމެ ތަނަކަށް ފެންފުޅިއެއް ގެންދިޔުމާއި، ގިނަގިނައި ފެންފުޅި ހުސްކުރުމަށް މަސައްކަތް ކުރުމަކީ، ހަށިގަނޑަށް ބޭނުންވާ ފެން ފޯރުކޮށްދެވޭކަން ކަށަވަރުކުރުމަށްޓަކައި ކުރެވިދާނެ ކަމެކެވެ. ހަންގަނޑު ސާފުކޮށް ބެހެއްޓުމަށާއި، އާންމު ދުޅަހެޔޮ ކަމަށްވެސް ފެންބުއިމަކީ ވަރަށް މުހިންމު ކަމެކެވެ. 

3. އަތްވަށް ނުކުތުމުގައި ސަމާލުވުން

އިރުގެ ދޯދިތަކަކީ ދުވަހުގެ އަދި ނަފްސުގެ އުޖާލާކަމަށް މުހިންމު އެއްޗެއް ނަމަވެސް، ހުރަހެއް ނެތި ހަންގަނޑަށް ފޯރާނަމަ އެތައް ގެއްލުންތަކެއްވާ އެއްޗެކެވެ. 

މިގޮތުން ޒުވާންކަންމަތީގެ ދެމިތޮބޭ ފަރާތްތަކަކީ އަށްވަށް ނުކުތުމަށް ޖެހިލުންވާ ބައެއް ނޫނެވެ. އެހެންނަމަވެސް، އަށްވަށް ނުކުންނައިރު، އިރުގެ ދޯދިތަކުން ރައްކާތެރިކަން ލިބިގަތުމަށްޓަކައި، ގިނަ ކަންކަން ކުރާ ބައެކެވެ. މިގޮތުން، އަވި އައިނު އެޅުމާއި، ތޮފި އެޅުމާއި، އެސްޕީއެފް މަތި ސަންސްކްރީނެއް ބޭނުން ކުރެވިދާނެއެވެ. 

4. ހަރަކާތްތެރިވުން

އަބަދުވެސް ބައިސިކަލެއް ދުއްވާލައި، ދުވެލައި، ކުޅިވަރުކުޅެ، ކަމެއް ނުކޮށް މަޑުން ނުތިބެވޭ މީހުން އާންމުގޮތެއްގައި އެމީހުންގެ އުމުރަށްވުރެ ހަގުކަން ފާހަގަކުރެވޭނެއެވެ. ގިނަގިނައިން ހަރަކާތްކުރުމަކީ ހަށިގަނޑުގެ ދުޅަހެޔޮކަން ދެމެހެއްޓުމަށް ބާރުދޭ ކަމެކެވެ. 

މިގޮތުން، ހަށިގަނޛުގެ ބަރުދަން ހެޔޮ މިންވަރެއްގައި ހިފެހެއްޓުމުގެ ސަބަބުން، ހިތުގެ  ދުޅަހެޔޮކަން އިތުރުކޮށްދީ، ގުނަވަންތަކަށް ދައުރުވާ ލޭގެ ފެންވަރު ރަނގަޅުކޮށްދެއެވެ. އަދި ހަށިގަނޑުގައި ހުންނަ ފްރީ ރެޑިކަލްސް ފަދަ ވިހަ މާއްދާތައް ހަށިގަނޑުން ބޭރުކުރުމަށް އެހީތެރިވެދެއެވެ. މި މައްދާތަކަކީ މީހާ މުސްކުޅި ކުރުވާ މާއްދާތަކެކެވެ. 

5. ބަލައިގެން ކެއުން

ޒުވާންކަންމަތީގައި ގިނަދުވަހު ދެމިތިބޭ މީހުންނަކީ އާދައިގެ މަތީން އެމީހުންގެ ހަށިގަނޑަށް އެތެރެކުރާ ކާނާއާއި މެދު ސަމާލުވާ ބައެކެވެ. މިގޮތުން، ކެޔުމުގެ ތެރޭގައި މޭވާއާއި ތަރުކަރީގެ ބާވަތްތައް އިތުރުކުރުމުގެ އިތުރުން، ޕްރޮޓީނާއި، ހޯލް ގްރެއިންސް ގެ ވައްތަރުތައް ހިމެނުމަށް އެމީހުން އިސްކަންދެއެވެ.  

މީގެއިތުރުން، ތައްޔާރީކާނާ ބޭނުންކުރާ މިންވަރު މަދުކުރުމާއި، ހަކުރާއި، ގެއްލެނިވި ފެޓްސްގެ ބާވަތްތައް ބޭނުންކުރުން މަފުކުރުމަކީ ޖިސްމުގެ ދުޅަހެޔޮކަން އިތުރުކުރުމަށް އެޅިދާނެ ހެޔޮ ފިޔަވަޅެކެވެ. 

ވީމާ، ކާބޯތަކެތި ގަންނައިރު ވީހާވެސް ތާޒާ، ފައިދާކުރަނިވި ކާނާ ގަތުމަށް އިސްކަން ދޭށެވެ. 

6. ހަށިގަނޑަށް ކަމޭހިތައި އަޅާލުން

އިންސާނާގެ ދުޅަހެޔޮކަމަކީ ޖިސްމާނީ ދުޅަހެޔޮކަމާއި ނަފްސާނީ ދުޅަހެޔޮކަން އެކުވެގެން މިންކުރެވޭ އެއްޗެކެވެ.ފިކުރު ބޮޑުވެ، އެހެން މީހުންގެ ބޭނުންތައް ތިމާގެ އަމިއްލަ ބޭނުންތަކަށްވުރެ ކުރިއަށް ނެރެވޭތަން އައި ނަމަވެސް، ދަންނަން ޖެހޭކަމަކީ ތިމާގެ ނަފްސަށް ބޭނުންވާ ކަންކަން ކުރުމަކީ އަމިއްލައެދުން ބޮޑުވުން ނޫންކަމެވެ. އެއީ ތިމާގެ ދުޅަހެޔޮކަމަށް ކޮންމެހެން ބޭނުންތެރިކަމެކެވެ. 

60 އަހަރުން މައްޗަށް ދާއިރުވެސް ޒުވާންކަން މަތީގައި ދެމިތިބޭ މީހުން މިކަން ދަނެއެވެ. އަމިއްލަ ނަފްސަށް ވަގުތު ހުސްކުރުމުގެ މުހިންމުކަމާއި، ފިކުރު ބޮޑުވާ ކަންކަމުން ދުރުވެގަތުމަކީ ކިހާ ބޭނުންތެރިކަމެއްކަން އެމީހުންނަށް އެނގެއެެވެ. 

7. ދިރިއުޅުމުގެ ކަންކަމުގައި ފައްސި ނަޒަރިއްޔާތެއް އިސްކުރުން

ދިރިއުޅުމުގެ ހުރިހާ ކަމެއްގައިވެސް ފައްސި ނަޒަރިއްޔާތެއް ނުވަތަ ކަންކަމާއި މެދު ގޯސް ޚިޔާލުކުރުމުގެ ބަދަލުގައި، ހެޔޮ ވިސްނުމެއް ގެންގުޅުމަކީ ކަންބޮޑުވެ ފިކުރު ބޮޑުވުމުން ދުރުކޮށްދޭ ކަމެކެވެ. އެގޮތުން، ދުވަސްވުމަކީ ހާސްވެ ކަންބޮޑުވާން ޖެހޭ ކަމެއްކަމަށް ދެކުމުގެ ބަދަލުގައި، އެއީ ގުދުރަތީ ފަލްސަފާގައި ހިމެނޭކަމެއްކަން ގަބޫލު ކުރަންވާނެއެވެ. 

އޭގެ ބަދަލުގައި، ޒުވާންކަން މަތީގައި ދެމިތިބޭ ގިނަ މީހުންނަކީ، ދިރިއުޅުމުގެ އުފާވެރި ޞަފްހާތަކަށް ސަމާލުކަންދޭ މީހުންނެވެ. އެމީހުންނަކީ ވެއަތުވެދިޔަ ކަންކަމަށް ވިސްނައި، ވެދިޔަތަނާއި މެދު ފިކުރުކޮށް ކަންބޮޑުވެ ހާސްވާ ބައެއް ނޫނެވެ. ތިމާގެ ބާރުގެ ދަށުގައި ނެތްކަމަށް ކިތަންމެ ފިކުރެއް ކުރިނަމަވެސް އޭގެއިން ވާނެ މަންފާއެއް އޮންނާނެ ހެއްޔެވެ؟   

އަދި ހެޔޮވިސްނުމެއް ގެންގުޅޭނަމަ، އޭގެ ހެޔޮ ބަދަލުތައް އޭނާގެ މޫނުމަތިންނާއި ހަށިގަނޑުގެ ބޭރުފުށުން ފެންނަންވެސް ފަށާނެއެވެ. ފައްސި ނަޒަރިއްޔާތަކީ، ބާޒާރުން ލިބެން ހުންނަ މޮޅެތި އެންޓި އޭޖިންގް ކްރީމްތަކަށްވުރެ މާ މޮޅު އެއްޗެކެވެ. 

ވީމާ، މިލިޔުމުގައި ފާހަގަުރި ކަންކަމުގެ ތެރެއިން ތިބާގެ ހަޔާތުގައި ބޭނުންކުރެވޭނެ ރަނގަޅު އާދަތަކުގައި ހިފައި ޒުވާން އުމުރު ދެންމުމަށް މަސައްކަތްކުރަން ހިނގާށެވެ. ދުޅަހެޔޮކަމަކީ އުފާވެރިކަމުގެ ފޭރާމެއްކަން ޔަގީނެވެ.