ޕީޕަލްސް ނެޝަނަލް ފްރަންޓް (ޕީއެންއެފް) ގެ ޖަލްސާއެއް މާދަމާރޭ ބާއްވަން ނިންމައިފިއެވެ.

ެއެ ޕާޓީން މިރޭ ބުނީ ކުރީގެ ރައީސް ޔާމީން ޢަބްދުލްޤައްޔޫމް ބައިވެރިވެވަޑައިގަންނަވާ ޕީއެންއެފްގެ ފޯރިގަދަ ފްރަންޓް އޮފީސް ޖަލްސާއެއް މާދަމާ ރޭ 20:45 ގައި އޮންނާނެ.

“ހުރިހާ ބޭފުޅުންނަށް ދައުވަތު އަރުވަން“ އެ ޕާޓީގެ މީޑިއާ ގުރޫޕަށާއި މީސްމީޑިއާގައި އާންމުކުރި ޕޯސްޓެއްގައި ވެއެވެ.

ޕީއެންއެފްއިން ދޭތެރެއަކުން އަންނަނީ ޖަލްސާ ބާއްވަމުންނެވެ. އެންމެ ފަހުން ޖަލްސާ ބޭއްވީ މި މަހުގެ ފުރަތަމަ ދުވަހުގެރޭގައެވެ.

މި ޖަލްސާތަކުގައި ރައީސް ޔާމީން ގެންދަވަނީ ސަރުކާރުގެ ސިޔާސަތުތަކަށް ފާޑުވިދާޅުވަމުންނެވެ. ކޮންމެ ޖަލްސާއެއްގައި ވެސް ގައުމުގައި ހުރި ބޮޑެތި މައްސަލަތަކާމެދު ވާހަކަފުޅު ދައްކަވައި އެމަނިކުފާނުގެ ޚިޔާލު ފާޅުކުރައްވައެވެ.

ފޮޓޯ: ޕީއެންއެފް