ހަމާސް އާއި އެއްކޮޅަށް ލިޔަމުންދާ ޕޯސްޓުތައް ނުފެންނަ ގޮތައް ނަގަމުންދާތީ ތުރުކީއިން ސޯޝަލް މީޑިއާ ޕްލެޓްފޯރމް، އިންސްޓަގްރާމް ބޭނުންނުކުރެވޭ ގޮތް ހަދައިފިއެވެ.
އިންސްޓަގްރާމުން ނަގަމުން ގެންދިޔަ ޕޯސްޓުތަކާއެކު އެޕަށް ބާރު ބޮޑުވެ، ބުދަ ދުވަހު އެޕް ބޭނުންނުކުރެވޭ ގޮތަށް ވަނީ ބުރޫއުވެސް އަރާފައެވެ.
ތުރުކީގެ މި ނިންމުން އައިސްފައިވަނީ ފަލަސްތީނު މުޖާހިދީންގެ ގްރޫޕެއް ކަމަށްވާ ހަމާސްގެ ރޫހާނީ ލީޑަރު، އިސްމާއީލް ހަނިއްޔާ އިޒްރޭލުން ޝަހީދުކޮށްލުމާއި ގުޅިގެން ތައުޒިޔާގެ މެސެޖުތައް ސޯޝަލް ވިއުގަތަކަށް ބަންޑުންކޮށްލުމުންނެވެ.
ތުރުކީގެ މުވާސަލާތާއި ބެހޭ އޮފިޝަލެއް ކަމުގައިވާ ފަހްރެތީން އަލްތޫން ވަނީ އިންސްޓަގްރާމުން ތައުޒިޔާގެ މެސެޖުތައް ފޮހެމުންދާތީ އެކަމަށް ފާޑުކިޔާފައެވެ.
“މިއީ ސެންސަރޝިޕް. ޝައްކެއްވެސް ނެތް.” ކުރީގެ ޓްވިޓަރ، އެކްސް ގައި އަލްތޫން ލިޔެފައިވެއެވެ.
އަދި އިންސްޓަގްރާމުން އެޕޯސްޓުތައް ނަގާފައިވާއިރު، އެޕޯސްޓުތައް ނަގަން މެދުވެރިވީ ކޮން ޕޮލިސީއަކާ ޚިލާފުވެވެން ކަމެއްވެސް އިންސްޓަގްރާމުން ބުނެފައި ނުވާކަން އަލްތޫން ވަނީ ފާހަގަކޮށްފައެވެ.
