ބައްޕަޔަކު އެއްފަހަރަކު އޭނާގެ ކުޑައަންހެން ދަރިފުޅު އޭނާގެ ތިމާގެ މީހުން ކައިރިޔަށް ޗުއްޓީ ހޭދަ ކުރުމަށް ފޮނުވިއެވެ.
ޗުއްޓީ ނިންމާލުމަށްފަހު ކުއްޖާގެޔަށް އައުމުން ބައްޕަ ސުވާލުރިއެވެ.
”ޗުއްޓީ ކިހިނެއް ހެއްޔެވެ؟ ހުރިހާ އާންޓީންނާއި ކަޒިންތައް ދަރިފުޅަށް ހެޔޮހެއްޔެވެ؟ ޗުއްޓީ މަޖާހެއްޔެވެ؟“
ބައްޕަ ސުވާލު ކުރުމުން ކުއްޖާ ޖަވާބު ދިނެވެ.
”އާއެކެވެ. އެންމެންވެސް ވަރަށް ހެވެވެ.އަހަރެންނަށް ވަރަށް ރަގަޅެވެ.އެކަމަކު އެއް އާންޓީ އަހަރެންނަށް ވަރަށް ނަފްރަތު ކުރާކަން ފާހަގަވިއެވެ.އޭނާ އަހަރެންނާއި ދޭތެރޭ ގެންގުޅުނީ ވަރަށް ރުޅިވެރި،ހަރުކަށިގޮތްތަކެކެވެ. އެ އާންޓީ ނޫނީ އެންމެންވެސް ވަރަށް ރަގަޅެވެ.އަހަރެން އެ އާންޓީ ކައިރިޔަށް ދެން ދާކަށްވެސް ބޭނުމެއް ނޫނެވެ“
ބައްޕަ ބުންޏެވެ. ދަރިފުޅުދެކެ އެއާންޓީ ރުޅިއަންނަކަން އެނގުނީ ކިހިނެއް ހެއްޔެވެ؟
ބުނީމަ ކުއްޖާ ބުންޏެވެ. ފުރަތަމަ ކަމަކަށް އަހަރެން ކިތަންމެ ގިނަ ފަހަރަކު ސަލާމް ގޮވާ ހެދިޔަސް އެއްފަހަރުވެސް ޖަވާބު ނުދެއެވެ.އާންޓީގެ ގަޑިއެއް ގެއްލިގެން އުޅުނު ދުވަހަކު އަހަރެން ގަޑި ހޯދުމަށް އެހީތެރި ވެދިނީމެވެ.އެކަމަކު ތެންކިއޫވެސް ނުބުނެއެވެ.އެ އާންޓީ އެއްވެސް ވަރަކަށް އަހަރެންނާ ވާހަކަވެސް ނުދައްކައެވެ.
މިހެން ބުނުމުން ބައްޕަ ބުންޏެވެ. ދަރިފުޅު ސަލާމް ގޮވީމަ އާންޓީ ހަދަނީ ކިހިނެއް ހެއްޔެވެ؟.މިހެން ބުނުމުން ދަރިފުޅު ބުންޏެވެ. ހަމަ ނުވެސް އިވޭ ކަމަށް ހަދައިގެން އިންނަނީ އެވެ.
ބައްޕަ އިރުކޮޅަކު ހުރެފައި ބުންޏެވެ. ”އާނ ދަރިފުޅު ތިބުނީ ތެދެކެވެ.އެއާންޓީ އަކީ ވަރަށް ގޯސްމީހެކެވެ.ދަރިފުޅުދެކެ ރުޅިއާދެއެވެ.އެހެންވެ މީގެ ފަހުން ވީވަރަކުން އާންޓީ ކައިރިޔަށް ނުގޮސްވޭތޯ ޖެހޭނީ ބަލާށެވެ.“
މިހެން ބުނުމަށް ފަހު އިރުކޮޅަކުން ބައްޕަ ދަރިފުޅުގެ މޫނަށް ބަލާފަ ހީލިއެވެ. އަދި ބުންޏެވެ. ބައްޕަ ދެންމެ މިބުނި ޖުމަލް އަކީ ދަރިފުޅުގެ ސިކުނޑީގައި އެ އާންޓީއާމެދު ނިންމާފައިވާ ގޮތެވެ. ދަރިފުޅު ތިޔަހުރީ މުޅިން އެގޮތަށް ނިންމައިގެންނެވެ.އާންޓީ އަކީ ގޯސް މީހެއް ކަމަށް ނިންމައިގެންނެވެ.އެހެން ކަމުން ދަރިފުޅަށް އެހެން އެއްވެސް ގޮތަކަށް ވިސްނުމުގެ ފުރުސަތެއް ނޯންނާނެތާއެވެ.
ދަރިފުޅާއެވެ. ބުނަންހެއްޔެވެ. އަހަރުމެން ނިންމާ ގޮތް އެއީ ހުރިހާފަހަރަކު ރަނގަޅު ގޮތް ކަމަށް ނުވެދާނެއެވެ. ރަގަޅަށް އަޑުއަހާށެވެ. އެ އާންޓީ އަކީ ބީރު އަދި މައްމަނު އާންޓީއެކެވެ.ދަރިފުޅު ބޭނުންވިއަސް އާންޓީ އަށް އަޑެއް ނީވޭނެއެވެ. އަދި ވާހަކައެއްވެސް ނުދެއްކޭނެއެވެ.
ދަރިފުޅު އާންޓީ އާއި ފުރަތަމަ ބައްދަލްވި ހިސާބުންވެސް ތިޔަވަނީ އާންޓީ އަކީ ވަކި ކަހަލަ މީހެއްގެ ގޮތުގައި ”ޖަޖް“ ކޮށް ނިންމާފައެވެ. އެހެން ވީމަ އާންޓީ އަކީ ގޯސް މީހެއް ނޫން ކަމަކަށް ދަރިފުޅަށް ގަބޫލެއް ނުކުރެވޭނެއެވެ.
ދަރިފުޅާއެވެ. ބުނަން ހެއްޔެވެ. އަހަރުމެންގެ ސިކުނޑިއަކީ ވަރަށް ޒާތެއްގެ އެއްޗެކެވެ.ސިކުޑި ބައެއްފަހަރު ހަގީގަތް ނޫން ގޮތްގޮތަށްވެސް އަހަރުމެން ލައްވާ ކަންތައްތައް ގަބޫލު ކުރުވައެވެ.
އެހެން ވީމަ ކަމަކާމެދު ނުވަތަ މީހަކާމެދު އަހަރުމެންގެ ސިކުނޑިއަށް ފުރަތަމަ އަންނަ ގޮތް އެއީ ރަގަޅު ގޮތް ކަމަށް ނުވެދާނެކަން ހަނދާން ކުރާށެވެ. ކަންތައްތައް ”ޖަޖް“ ކުރުމަށް އަވަސްވެ ނުގަންނާށެވެ. އަމިއްލަ ސިކުޑީގެ މައްޗަށް އަމިއްލަ ކޮންޓްރޯލް އޮތް ނަމަ ދަރިފުޅުގެ ހަޔާތުގައި ހަމަ ކޮންމެ ކަމެއްވެސް ހާސިލް ކުރެވިދާނެ ކަން ހަނދާން ކުރާށެވެ.
