އިލެކްޝަންސް ކޮމިޝަންސް (އީސީ) އިން ސިޔާސީ 3 ޕާޓީއެއް 50,000 ރުފިޔާއިން ޖޫރިމަނާކޮށްފިއެވެ.
ޖޫރިމަނާކޮށްފައިވަނީ މޯލްޑިވްސް ތާރޑްވޭ ޑިމޮކްރެޓްސް (އެމްޓީޑީ) އާއި, މޯލްޑިވްސް ނެޝަނަލް ޕާޓީ (އެމްއެންޕީ) އާއި, ދަ ޑިމޮކްރެޓްސްއެވެ.
ެޭރޭގެވަގުތެއްގައި އީސީއިން އެކްސްގައި ކުރި ޕޯސްޓެއްގައި ބުނީ ސިޔާސީ ޕާޓީގެ ގާނޫނުގެ 42 ވަނަ މާއްދާގައިވާ ގޮތުގެ މަތިން އޮޑިޓް ރިޕޯޓު ހުށަހަޅާފައިނުވާތީ އެ ގާނޫނުގެ 44 ވަނަ މާއްދާގެ (ށ) އާ ހަވާލާދީ އެ 3 ޕާޓީ 50,000 ރުފިޔާއިން ޖޫރިމަނާކުރަން ނިންމާފައިވާ ކަމަށެވެ.
އެމްޓީޑީއަކީ ކުރީގެ ނައިބު ރައީސް އަޙްމަދު އަދީބު އުފައްދަވާފައިވާ ޕާޓީއެކެވެ.
އެމްއެންޕީއަކީ ކުރީގެ ޑިފެންސް މިނިސްޓަރު ކާނަލް މުޙައްމަދު ނާޒިމް ޖޭޕީގައި ހުންނެވުމަށްފަހު އެ ޕާޓީން ވަކިވެވަޑައިގެން އިތުރު ބޭފުޅުންތަކަކާ ގުޅިގެން އުފެއްދެވި ޕާޓީއެކެވެ. ނާޒިމަކީ އެ ޕާޓީގެ ރައީސްއެވެ.
ދަ ޑިމޮކްރެޓްސްއަކީ އެމްޑީޕީ ދެބައިވެ އުފެދުނު ހަމަނުޖެހުންތަކަށްފަހު ކުރީގެ ރައީސް މުޙައްމަދު ނަޝީދު އިސްކޮށް ހުންނަވައި އެމަނިކުފާނަށް ތާއީދުު ކުރައްވާ ބޭފުޅުން މެދުވެރިކޮށް އުފެއްދެވި ޕާޓީއެކެވެ.
