މާލޭގައި ފުޅާދާއިރާއެއްގައި ހަށިވިއްކާ 2 އަންހެނަކު އަތުލައިގެންފިއެވެ.
އިމިގުރޭޝަނުން މިއަދު ބުނީ މާލޭގައި ފުޅާދާއިރާއެއްގައި ހަށިވިއްކާ ކަމުގެ މައުލޫމާތު ފުލުހުންގެ އިންޓެލިޖަންސްއިން ލިބުމާއެކު ބުދަ ދުވަހުގެ ރޭ، ޓާސްކް ފޯސްއިން ޚާއްސަ ރެއިޑް އޮޕަރޭޝަނެއް ހިންގާފައިވާ ކަމަށެވެ.
އަދި މި އޮޮޕަރޭޝަނުގައި ވިއެޓްނާމަށް ނިސްބަތްވާ 2 އަންހެނަކު އިމިގްރޭޝަނުގެ ބެލުމުގެ ދަށަށް ގެނެވިފައިވާ ކަމަށެވެ.
ސެލޫން އާއި މަސާޖު ޕާލާތަކުގެ ނަމުގައި ހަށިވިއްކުމުގެ ވިޔަފާރިކުރާ 111 ތަނެއް މާލެ ސަރަހައްދުގައި އެބަހުރި ކަމަށް ހޯމް މިނިސްޓްރީން ދާދިފަހުން ވަނީ ބުނެފައެވެ.
އެ ތަންތަނާމެދު ގާނޫނީ ފިޔަވަޅު އެޅުމުގެ މަސައްކަތް ކުރަމުން އަންނަ ކަމަށާއި ހަށިވިއްކުމުގެ ވިޔަފާރިއަށް ޓޫރިސްޓް ވިސާގައި މީހުން އެތެރެކޮށް ބޭނުންކުރާ ކަމަށާއި އެފަދަ މީހުން ޑީޕޯޓުކުރުމުގެ މަސައްކަތް ކުރަމުން އަންނަ ކަމަށް ވެސް އެ މިނިސްޓްރީން ވަނީ ބުނެފައެވެ.
One Response
ތި މީހުންގެ ފޮޓޯ ކީއްވެބާ ލީކް ނުކުރަނީ، އިންސާނުން ގަނެވިއްކުމުގަވެސް އަރާގޮތް ތަނެއް މީ..މިފަދަ ގައުމުތަކުން މީހުން ގެނައުން އަދިވެސް ނުވޭބާ ހުއްޓާލާކަށް، ޒުވާން ޖީލު ހަލާކު ވަނީ..ވަރި އިތުރުވަނީ…