މާލޭގެ މިސްކިތްތަކުން ވައްކަންކޮށްގެންް މި އަހަރުގެ މިހާތަނަށް 21 މައްސަލަ ހުށަހަޅާފައިވާ ކަަމަށް ފުލުހުން މިއަދު ބުނެފިއެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ މާލޭގެ މިސްކިތްތަކުން ވައްކަންކޮށްގެންް މި އަހަރުގެ މިހާތަނަށް 21 މައްސަލަ ހުށަހަޅާފައިވާއިރު, މި މައްސަލަތަކުގައި ހިމެނޭ 6 ފަންކާ، 2 ފޯނު އަދި ފެންމޯޓަރެއް ހޯދައި ހަވާލުކޮށްފައިވާ ކަމަށެވެ.
މި މައްސަލަތަކުގެ ތެރޭގައި ދަރުމަވަންތަ މިސްކިތުގެ ފާރުގައި ހަރުކޮށްފައި ހުރި 2 ފަންކާ ވަގަށް ނެގި މައްސަލައެއް ވެސް ހިމެނެއެވެ.
މީގެއިތުރުން މިދިޔަ އޭޕްރީލުމަހުގައިވތަގުވާ މިސްކިތުން ވައްކަންކުރި މައްސަލައެއް ވެސް ހިމެނެއެވެ. އެގޮތުން ތިން ރޭ މަތިން އެ މިސްކިތުން 7 ފަންކާ ވަގަށް ނަގާފައިވާ ކަމަށް މާލެ ސިޓީ ކައުންސިލުން ބުނެފައިވެއެވެ. މާލެ ސިޓީ ކައުންސިލުން އޭރު ވަނީ ތަގުވާ މިސްކިތުން މީހަކު ފަންކާއެއް ވަގަށް ނަގައިގެންދާ ވީޑިއޯއެއް ވެސް އާންމުކޮށްފައެވެ.
ހަމައެހެންމެ މިދިޔަ މާޗު މަހު ބަޔަކު ވަނީ މާލޭގެ ބައެއް މިސްކިތްތަކުގެ ފާހާނާތަކަށް ވެސް ގެއްލުންދީފައެވެ.
މިސްކިތްތަކުގައި ހުންނަ އެއްޗެހި ވަގަށް ނެގުމުގެ އިތުރުން މިސްކިތްތަކަށް ނަމާދުކުރަން ދާ މީހުންގެ ފައިވާން ވަގަށް ނެގުމުގެ މައްސަލަތައް ވެސް މިއަހަރު ފެންމަތިވެފައިވެއެވެ.