ރަޖިސްޓްރީ ނުކުރާ ވެހިކަލެއްގައި ވަގު ބޯޑު އަޅުވައިގެން ދުއްވި މައްސަލައެއް ބަލަން ފަށައިފިއެވެ.
ފުލުހުން މިރޭ ބުނީ މިއަދު 18:18 ހާއިރު ހައިވޭ ދެކުނުން އުތުރަށް ލައިސެންސް ނެތި އަދި ރަޖިސްޓްރީ ނުކުރާ އުޅަނދެއްގައި ވަގު ބޯޑު އަޅުވައިގެން ދުއްވި މައްސަލައެެއް ރިޕޯޓުކޮށްފައިވާ ކަމަށެވެ.
އެގޮތުން މި މައްސަލަ ތަހުގީގުކުރަމުންދާ ކަަމަށް ފުލުހުން ވަނީ ބުނެފައެވެ.
މީގެއިތުރުން މިއަދު ހަވީރު 17:17 ހާއިރު ބްރިޖު އެއާޕޯޓު ލައިޓު އިރުން ހުޅަނގަށް ގަވާއިދާ ޚިލާފަށް ފަހަތަށް ގިނަ އަދަދެއްގެ މީހުން އަރުވައިގެން ދުއްވި މައްސަލައެއް ހިމެނޭ ކަމަށާއި މި މައްސަލަ ވެސް ތަހުގީގުކުރަމުންދާ ކަަމަށް ފުލުހުން ވަނީ ބުނެފައެވެ.
