ޗައިނީސް ޕީޕަލްސް ޕޮލިޓިކަލް ކޮންސަލްޓޭޓިވް ކޮންފަރެންސް (ސީޕީޕީސީސީ) ގެ ވައިސް ޗެއަރމަން މިސްޓަރ ބަޓީރ ރަސްމީ ދަތުރުފުޅެއްގައި ރާއްޖެ ވަޑައިގެންފިއެވެ.
ސީޕީޕީސީސީގެ ވައިސް ޗެއަރމަން މިސްޓަރ ބަޓީރ ރާއްޖެ ވަޑައިގެންނެވީ މިއަދުގެ ވަގުތެއްގައެވެ.
ވެލާނާ އިންޓަނޭޝަނަލް އެއާޕޯޓުން މިސްޓަރ ބަޓީރ އަށް
މަރުހަބާ ވިދާޅުވީ ރައްޔިތުންގެ މަޖިލީހުގެ ނައިބު ރައީސް އަޙްމަދު ނާޒިމެވެ.
އަންނަ ހުކުރު ދުވަހުގެ ނިޔަލަށް މިސްޓަރ ބަޓީރ ކުރައްވާ މި ދަތުރުފުޅުގައި މާދަމާގެ ވަގުތެއްގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒާ ބައްދަލުކުރެއްވުމަށް ވަނީ ހަމަޖެހިފައެވެ.
މީގެއިތުރުން މަޖިލީހުގެ ރައީސް ޢަބްދުއްރަޙީމާއި ނައިބު ރައީސް ނާޒިމާއި ސަރުކާރުގެ އިސް ވެރިންނާ ބައްދަލުކުރެއްވުމަށް ވެސް ވަނީ ހަމަޖެހިފައެވެ.
