އިރާނުން ނިއުކްލިއަރ ހަތިޔާރު ބޭނުންކޮށް ގެންގުޅޭކަމަށާއި، އެހެންނަމަވެސް ފަޅުގައި އެކަމަށް އެއްބަހެއް ނުވާނެކަމަށް އިރާނުގެ ގާނޫނު ހަދާ މަޖިލީހުގެ މެންބަރެއް ބުނެފިއެވެ.
އިރާނުގެ މަޖިލިސް މެންބަރު، އަހްމަދު ބަކްޝަޔޭޝް އާރދެސްތާނީ މިހެން ބުނެފަިއވަނީ އިރާނުގެ “ރުއިދާދް 24” ޗެނަލް އަށް ދިން އިންޓަރވިއުއެއްގައި ކަމަށް ފޮކްސް ނިއުސް އިން ވަނީ ރިޕޯޓުކޮށްފައެވެ.
މިގޮތުން، އާރދެސްތާނީ އިތުރަށް ބުނީ އިރާނުގެ ސިޔާސަތުތަކާއި ނިއުކްލިއަރ ހަތިޔަަރު ގެންގުޅުމާއި އެއްހަމަ ނަމަވެސް، އިރާނުގެ ރަސްމީ ބަސްމަގާއި ޖޭސީޕީއޯއޭގެ ނިންމުންތަކާއި އެއްހަމަ ވާނެކަމަށެވެ. އަދި އިރާނަށް އޮތް ބޭރުގެ ނުރައްކަލަށް ރިއާޔަތް ކުރާއިރު، އެމެރިކާއާއި އިޒްރޭލު ފަދަ ގައުމަކުން އަތުވެދާނެ ހަމަލާއަކަށް ތައްޔާރުވެ ރައްދުދިނުމަށްޓަކައި އެފަދަ ހަތިޔާރުގެ ބޭނުންކުރަން އިރާނުން ޖެހިދާނެކަމަށް ބަލައި، އިރާނުން ނިއުކްލިއަރ ހަތިޔާރު ގެންގުޅުމަކީ މައްސަލައެއް ނޫންކަމަށްވެސް އޭނާ ވްނީ ބުނެފައެވެ.
އާރދެސްތާނީގެ ވާހަކަތައް އައިސްފައި މިވަނީ އިރާނުން ނިއުކްލިއަރ ހަތިޔާރު އުފައްދައި ގެންގުޅޭކަމުގެ ޚަބަރުތައް ފެތުރި ކަންބޮޑުވުން އުފެދިފައިވާ ދަނޑިވަޅެއްގައެވެ.
2 Responses
އީރާނުން ނިއުކުލިއަރ ހަތިޔާރުގެންގުޅުމުގެ ފުރިހަމަހައްޤު ލިބެންވާނެ އިޒްރޭލުންއެފަދަ ހަތިޔާރުގެންގުޅުމުގެ ހުއްދައޮވެގެންނުވާނެ ސަބަބަކީ ދެކިބަލަ ގައުމެއްގެ އާއްމުންމަރާ ފުނޑުފުނޑުކޮށްލީ އެއީ އިންސާނުންނެއްނޫން ހަމަހައިވާނުން އެއީ ދެންނިކަން އިޒްރޭލުން އީރާނަށް ހަމަލާއެއްދީބަލަ މިހާރު ދުނިޔޭގެ ކުރިމަތީގައި އިޒްރޭލު ބޭޒާރުވެއްޖެ އެމެރިކާގެބާރު އިރާދަކުރެއްވިއްޔާ އެދަނީނެތެމުން އެބާރުނެތިދާއިރަށް މިއިޒްރޭލެއް ނޯއްނާނެ އިރާދަކުރެއްވިއްޔާ އެދުވަސްމާދުރެއްނުވާނެ…
އަރަބި ގައުމުތަކުންވެސް ބޭނުމެއްނުވޭ އީރާނު އަމިއްލަ ފައިމައްޗަށް ތެދުވެ ކޮޅަށްތިބޭ މަންޒަރު ދެކޭކަށް. އަދި އީރާނުގެ ގޮތް ދޫކުރުން ނުވާނަމަ މިހާރު އަރަބި ބައްރު އޮންނާނީ ކޮންމެވެސް ސިފައެއްގައި ދަ ގްރޭޓަރ އިސްރާއީލުގެ ބާރުގެ ދަށުގައި. އަރަބި ބައްރުގެ ސަލާމަތާ ރައްކާތެރިކަން ކަށަވަރު ކޮށްދޭން މިތިބީ އިސްރާއީލުގެ ދޮންބަފައިން. ދެން ނަތީޖާ ކިހެނެއްވާނީ