އަންނަ މަހު އޮންނަ 20 ވަނަ ރައްޔިތުންގެ މަޖިލީހުގެ އިންތިހާބުގައި ކެންޑިޑެންސީ ބާތިލުވި ޙަސަން ޝިޔާމަށް އިންތިޚާބުގައި ވާދަ ކުރުމަށް ދިމާވި ހުރަސްތައް  ކުރިމަތިވީރައީސް މުޙައްމަދު މުއިއްޒުގެ ސަބަބުން ކަމަށް  އޭނާއަށްތާއީދު ކުރާ ސަޕޯޓަރުން  ތުޙުމަތުކޮށްފިއެވެ.  ނަމަވެސް އެނގެންއޮތީ ސްޕްރީމް ކޯޓާއި ހަމައިން ޙަސަނަށް ބައިވެރިވުމުގެ ޖާގަ ނުލިބުނީއެވެ.

އެކަމުގެ ޝަކުވާ ފުންޏެއް ދާދި މިދާކަށް ދުވަހު ރައީސްމުއިއްޒު މެމްބަރު ހޮވުމަށް ދޮރުދޮރަށް ވަޑައިގެން މަގުމަތީން ދިމާކޮށް އޮއްސާލި ޚަބަރާއިއެކު ދޭދޭ ފަރުދުންގެ މެދުގައި އެމީހުން ރައީސް މުހައްމަދު މުއިއްޒު ވެރިކަމަށް ގެނައުމަށް ކުރި ބުރަ މަސައްކަތްތަކުގެ ވާހަކަތައް މާގިނައިން ދެކެވެން ފަށައިފިއެވެ. 

ރައީސް ޔާމީނު އެންޑޯޒް ކުރެއްވި އަހަރެމެންގެ ކެންޑިޑޭޓް ޑރ. މުޢިއްޒު ހޮވުމަށްޓަކާ ރެޔާއި ދުވާލު ނުނިދާ، އެތައް ވަގުތެއް ހޭދަކޮށްގެން ރައީސް މުޢިއްޒު ވެރިކަމަށް ގެނައުމަށް ބުރަ މަސައްކަތްކޮށް ނަތީނާ ހޯދައި ދިނީމެވެ. އެހެނަސް މިހާރު އެއްވެސް ގުޅުމެއް ނެތެވެ. އަދި އަހަރެމެން (ޕީޕީއެމް ޕީއެންސީ) ވެރިކަމަށް އަޔަނުދިނުމަށް ގަދައަޅާ މަސައްކަތްކޮށް އަހަރެމެނަށް ދުއްޕާންކުރިމީހުން އަހަރެމެންގެ މިސަރުކާރުގެ ބޮޑެތި މަގާމުތަކަށް އައިސް އަހަރެމެންނާ މަލާމާތުގެ ގޮތުން ހެނީއެވެ. ޕީޕީއެމްގެ ބާކީ ކޮށްފާހުރި ހާޑްކޯރ ސަޕޯޓަރުން ތަކަކާއި ދިމާވެގެން ކިޔައިދިނެވެ.

އެ ސަޕޯޓަރުންނާއި ލީޑަރޝިޕްއަކާއި ގުޅުމެއް މިހާރުނެތުމުގެޝަކުވާ ވަރަށް އިވެއެވެ. ބުރަ މަސައްކަތްކުރި މީހުންގެ ތެރެއިން ސިޔާސީ ބާރުވެރިންގެ ގޮތުގައި ހަމަޖެހުނީ މަދުބައަކަށްކަމުގެ ވާހަކަވެސް އިވެއެވެ.  

ރައީސް މުއިއްޒުގެ ފަހަތްޕުޅުގައި މަސައްކަތްކުރެއްވި ހެޔޮލަފާ ވާޤިވެރިންނާއި ދުރުވާންޖެހުނު ސަބަބު އެއީ އަދިވެސް ނޭންގި އޮތްކަމެއްކަމަށް ގިނަ ބަޔަކު ބުނެއެވެ. އެތައްބައެއްގެ ވަގުތާއި ހަކަތައާއި، މާލު ހުސްކޮށްގެން ވެރިކަމަށް އިންތިޚާބުވުމާއިއެކު އެބައެއްގެ ނަންވެސް ހިތުން އެހާ އަވަހަށް ފުހެލެވިފާ ވާކަމަށް ގިނަބަޔަކު ދެކެއެވެ.

ޖަޒުބާތުން ފުރިގެންވާ މިވާހަކައާ ގުޅުވާ އާއްމުންގެ މެދުގައި ތަފާތު އެކި ވާހަކަތައް މިހާރު ވަރަށް ގިނައިންވަނީ ފެތުރިފައެވެ. ކަށަވަރުވާކަމަކީ ރައީސް މުޢިއްޒު ވެރިކަމަށް ގެނައުމަކީ މަދު މީސްކޮޅެއްގެ ހިތްވަރާއި މަސައްކަތެއް ނޫންކަމެވެ. 

ހާލު އަހުވާލު ބެލުމާއި، އިޙްތިރާމާއި، ލޯތްބާއި، އޯގާތެރިކަމާއި އެހެނިހެން ގޮތްގޮތުން އަޅާލުން ލިބޭނެ ކަމުގެ އުއްމީދުގައި ތިބި ޕީޕީއެމްގެ އެތައް ބަޔަކު މިހާރުވަނީ މުޅިން މާޔޫސްވެފައެވެ. 

އޭގެތެރެއިން އެއްބަޔަކު ބުނާ ގޮތުންނަމަ، އެމީހުންގެ ބޭނުން އެވަގުތުގައި ހިފާ، މިހާރު ބޭނުން ނެތިފައިވާތީ،ބޭކާރު ބައެއް ކަމުގެ އިޙްސާސް އެމީހުންނަށް ކުރެވެއެވެ. ގިނަ ބަޔަކު ތިބީ މަތިން ބައިން ޖެހިގެން ނުވަތަ އަމިއްލަ އިސްނެގުމަށް އެޝަކުވާތަކުގެ ވާހަކަ ދައްކަން ބޭނުންނުވެފައި ތިބި ޙާލަތުގައެވެ. ހަމަ ޙަސަން ޝިޔާމުގެ ސަޕޯޓަރުން ފަދައިންނެވެ. 

ވާނެ ގޮތެއް ވާން ދޫކޮށްލާފައި ތިބި މީހުންވެސް މީގެ ތެރޭގައި ހިމެނެއެވެ. ބޮޑަށް މަޖިލީސް ކެމްޕޭނަށް ނިކުންނަވައި ކެންޑިޑޭޓް އަތުގައި ހިއްޕަވައިގެން ދޮރުން ދޮރަށް ވަޑައިގަންނަވާއިރު ބައްދަލުވެ އެ ހިތްހަމަ ނުޖެހުމުގެ ޝަކުވާ ދަންނަވަން ފުރުސަތު ހޯދަނީކަމަށެވެ. ފަހަރަކު ބައެއްގެ ޝަކުވާ ތިލަ ވާނެކަމަށް ފެންނަ މަންޒަރުތަކުން ހީވެއެވެ. ވަގުތާއި ޙާލަތާއިއެކު މީހާވެސް ބަދަލުވެދާނެކަމީ ޙަޤީޤަތެއްކަން މިކަމުން ސާފެވެ.

ޕީޕީއެމްގެ ގިނަ ގްރާސްރޫޓް މެމްބަރުން ދެކޭގޮތުގައި ރައީސް މުޢިއްޒުގެ ސަރުކާރުގައި މަތީފަޑީ ތިއްބެވީ މިބަދަލުގެނައުމް އެއްވެސް ދަލެއް ނޯހޮރުއްވާ ވެރިކަން ލިބުމާއިއެކު ވެރިކަމުގެ ތެރެއަށް ފުންމާލި ބައިގަނޑެކެވެ. 

ވީމާ ޕީޕީއެމް ޕީއެންސީގެ ކޯލިޝަންގެ ރޫޙް އާއި ފާއިތުވެދިޔަ 5 އަހަރުދުވަހު އެމްޑީޕީ ކޯލިޝަން އަތުން ސަރުކާރު ހޯދުމަށް މަސައްކަތް ކުރީ ކޮންބައެއްކަން ކިހާވަރަކަށްކަން ނޭނގޭ މީހުން ވެރިކަމުގެ ކޮއިލުގައި ގިނަވެ އަސްލު އޮޅި ދިޔައީއެވެ.