ހުޅުމާލެއިން ގެއްލިގެން ހޯދަމުން އައި ޒުވާނާ ފެނިއްޖެ ކަމަށް ފުލުހުން މިއަދު ބުނެފިއެވެ.
ފުލުހުން މިއަދު ބުނީ ގެއްލިގެން ރިޕޯޓުކުރުމާ ގުޅިގެން ހޯދަމުންދިޔަ މާލެ، މއ. ޕެރީހީލިއަން، އަކްރަމް ޢަދީލް ސަޢީދު (25އ) ރޭގެ ވަގުތެއްގައި ހުޅުމާލެއިން ފެނިފައިވާ ކަމަށެވެ.
އަކްރަމް ޢަދީލް ސަޢީދު އާއިލާއަށް ޚަބަރެއްނުވެ ގެއްލިފައިވާ ކަމަށް ފޮޓޯ އާންމުކޮށް ފުލުހުން ބުނެފައި ވަނީ ވެސް ރޭގެ ވަގުތެއްގައެވެ. އަދި ފުލުހަށް އެ މައްސަލަ ރިޕޯޓުކޮށްފައި ވަނީ މާރިޗް 25 ވަނަ ދުވަހު 19:22 އެހައިކަންހާއިރު ކަމަށާއި އޭނާ ހޯދުމުގެ މަސައްކަތް ކުރަމުން އަންނަ ކަމަށް ފުލުހުން ރޭ ބުނެފައިވެއެވެ.
