ޗައިނާގެ ޝީޒަން އޮޓޮނޮމަސް ރީޖަންއިން ރާއްޖެއަށް ހަދިޔާ ކުރި1,500 ޓަނުގެ ބޯފެނުގެ ޝިޕްމަންޓް ރާއްޖެ ގެނެސްފިއެވެ.
ސަރުކާރުން ބުނީ ޝީޒަން އޮޓޮނޮމަސް ރީޖަންއިން ހިލޭ ހަދިޔާ ކުރާ ފެނުގެ ޝިޕްމަންޓް މިހާރު ރާއްޖެ ގެނެސްފައިވާ ކަމަށެވެ.
ހަމަ އެހެންމެ މި ފެން ބޭނުން ކުރަން ނިންމާފައި ވަނީ ރާއްޖޭގެ ރަށްތަކަށް ފެނުގެ ދަތިތަކަން ދިމާވާ ހާލަތުގައި އެ ރަށްރަށަށް އެހީގެ ގޮތުގައި ފޯރުކޮށްދިނުމަށް ކަމަށް ދިވެހި ސަރުކާރުން ހާމަކުރެއެވެ.
މިއީ ޝީޒަން އޮޓޮނޮމަސް ރީޖަންގައި ހުންނަ ގަނޑުފެނުން އުފެއްދިފައިވާ ސާފު ފެނެކެވެ.
ޗައިނާގެ ޝީޒަން އޮޓޮނޮމަސް ރީޖަންއިން ރާއްޖެއަށް ބޯފެން ހަދިޔާ ކުރިކަން އިއުލާނުކޮށްފައި ވަނީ އެ ރީޖަންގެ ޗެއާމަން ޔަން ޖިން ހައި މިދިޔަ އަހަރު ނޮވެމްބަރު މަހު ރާއްޖެއަށް ކުރެއްވި ރަސްމީ ދަތުރުފުޅުގައި، ރައީސް ޑރ. މުހައްމަދު މުއިއްޒުއާ އެކު ބޭއްވި ރަސްމީ ބައްދަލުކުރެއްވުމުގައެވެ.
