ދައުލަތުގެ ފަރާތުން ބަލަހައްޓާ ކުޑަކުދިން ތިބޭ މަރުކަޒެއް ކަމަށްވާ ”ފިޔަވަތި“ އަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން މަސްދަޅު ކޭސްތަކެއް ހަދިޔާކޮށްފިއެވެ.
އެމްޕީއެލްއިން މިއަދު ބުނީ އެ ކުންފުނީގެ އިޖުތިމާއީ ޒިންމާގެ ހަރަކާތްތަކުގެ ތެރެއިން ފިޔަވައްޗަށް ޖުމްލަ 35 ދަޅުމަސް ކޭސް ހަދިޔާކޮށްފައިވާ ކަމަށެވެ.
މަސްދަޅު ކޭސްތައް ރަސްމީކޮށް ހަވާލުކޮށްދެއްވުމަށް އެމްޕީއެލްގެ ޗީފް އޮފް ބިއުރޯ އައިޝަތު ޝިމްލާއާއި ޖެނެރަލް މެނޭޖަރު އަޙްމަދު ސަލީމާއ ޖެނެރަލް މެނޭޖަރ ޢަލީ ޖައުފަރު މިއަދު ހެނދުނު ވަނީ ފިޔަވައްޗަށް ވަޑައިގެން އެ މަރުކަޒުގެ އިސް ފަރާތްތަކާ ބައްދަލުކުރައްވައިފައެވެ.
އެމްޕީއެލްގެ ސީއެސްއާރްގެ ދަށުން މީގެ ކުރިން ވެސް ފިޔަވައްޗަށް އެކިއެކ އެހީތައް ފޯރުކޮށްދީފައި ވެއެވެ.
އެމްޕީއެލްއިން ބުނީ ކުރިއަށް އޮތް އެ މަރުކަޒަށް ބޭނުންވާ އެކި ކަންތައްތަކުގައި އެ ކުންފުނީގެ އެއްބާރުލުމާއި އެހީތެރިކަން ލިބިގެންދާނެ ކަމަށެވެ.
ފޮޓޯ: އެމްޕީއެލް
