ޖަށްވަށް ސެޓްލައިޓެއް ފޮނުވާ ޖަޕާނުގެ ފުރަތަމަ އަމިއްލަ ކުންފުންޏަށް ވުމުގެ ހުވަފެން ދެކުނު ޓޯކްޔޯގެ ފަށާ ވިޔަފާރިއެއް ކަމުގައިވާ ސްޕޭސް ވަން އިން ބުދަ ދުވަހު ޖަށްވަށް ފޮނުވާލި ކައިރޯސް ރޮކެޓް ފޮނުވަާލިތާ މަދު ވަގުތުކޮޅެއްގެ ތެރޭގައި ގޮވައިފިއެވެ.

މިއީ ޖަޕާނުގެ ޖައްވީ ކުރިއެރުންތަކުގެ އުންމީދުތަކަށް ލިބުނު ފަސްޖެހުމެކެވެ.

ކުށިމޯޓޯގައި ހުންނަ ސްޕޭސް ފެސިލިޓީއެއް ކަމުގައިވާ ވަކަޔާމަަ ޕްރިފެކްޗަރ އިން ފުރި 18 މީޓަރުގެ ދިގުމިނުގެ، 23 ޓަނުގެ ބަރުދަންހުރި ކައިރޯސް ރޮކެޓު ޖައްވީ ދަތުރު ފެށީ ޖަޕާނު ގަޑިން ހެނދުނު 11 ޖެހިއިރުއެވެ. އެހެންނަމަވެސް، ލިފްޓްއޮފް ކުރިތާ 5 ސިކުންތު ތެރޭގައި ވައިގެތެރެއަށް މި ރޮކެޓު ވަނީ ގޮވާފައެވެ. އަދި ކައިރީގައި އޮތް ފަރުބަދައިގެ ސަރަހައްދުތަކަށް ރޮކެޓުގެ ބައިބައި ފައިބަން ފަށާފައިވެއެވެ.

ވަގުތުން ދެއްކި ވީޑިއޯ ތަކުން ރޮކެޓުގެ ބައިބައި ބިންމަތީގައި ވެރިފައި ހުރިތަން ފެނުނުއިރު، ފަޔަރފައިޓަރުން އަލިފާން ގަނޑު ނިއްވުމަށް މަސައްކަތްކުރާ މަންޒަރުވެސް ވަނީ ފެނިފައެވެ. ވަކި ހިސާބަކުން އަލިފާންގަނޑު ނިއްވާލެވިފައިވާއިރު، އަލިފާންގަނޑު ނިއްވާލެވުނުތާ ވަގުތިތަކެއް ފަހުން ނޫސްވެރިންނާއި ވާހަކަދައްކަމުން ވަކަޔާމާގެ ގަވަރްނަރު ޝުހޭ ކިޝިމޯޓޯ ބުނެފައިވަނީ މި ހާދިސާގައި އެއްވެސް ފަރާތަކަށް އަނިޔާ ވެފައިނުވާކަމަށެވެ.