އިންޑިއާގެ ރައްޔިތަކަށްވުމާ ބެހޭ ހާއްސަ ސިޓިޒެންޝިޕް ގާނޫނެއް އެކުލަވާލުމުގެ މަސައްކަތް ކުރަމުން ދާކަން އިންޑިއާ ސަރުކާރުން ހާމަކޮށްފިއެވެ.
އެގޮތުން، އިންޑިއާއިން އެކުލަވާލާ މި ގާނޫނަކީ މުސްލިމުންނާއި ދެކޮޅު ގާނޫނެއްކަމަށް ގިނަ ބަޔަކު ގެންދަނީ ބުނަމުންނެވެ.
އިންޑިއާގެ ސިޓިޒަންޝިޕް އެމެންޑްމެންޓް ގާނޫނު (ސީއޭއޭ) ތަސްދީގުކޮށްފިނަމަ، ޕާކިސްތާނާއި، ބަންގްލަދޭޝާއި އަފްޣާނިސްތާނުގެ މުސްލިމްނޫން އާބާދީތަކަށް ނިސްބަތްވާ ފަރާތްތަކަށް އިންޑިއާގެ ރަށްޔިތުކަން ހޯދޭނެއެވެ.
އިންޑިއާ ސަރުކާރުން ފާޅުކަން ބޮޑުގޮތެއްގައި، އިންޑިއާގައި ތިބި މުސްލިމުންނާއި ދެކޮޅަށް ފިޔަވަޅުތައް އަޅަމުން ދާއިރު، މިއީ ދިވެހިރާއްޖޭގެ ސަރުކާރުން ރާއްޖޭގައި ތިބި އިންޑިއާ ރައްޔިތުންނަށް ދިގު މުއްދަތުތަކަށް ދީފައިވާ ވިސާތަކާއި މެދު ފިޔަވަޅު އަޅަންވީ ވަގުތު ބާއެވެ.
