ސަރަހައްދީ މުޖާހިދުންގެ މިލިޝިއާ ގުރޫޕުތަކުންދޭ ހަމަލާތައް އިތުރުވެ، އެމެރިކާއިން އިރާޤާއި ސީރިއާ ދޫކޮށް ދިޔުމަށް އެންގުމާއެކު، އިރާޤާއި ސީރިއާގައި ތިބި އެމެރިކާ ސިފައިން އަނބުރާ ގެނައުމުގެ މަސައްކަތް ފަށާފައިވަަކަމަށް އެމެރިކަަ ސަރުކާރުން ހާމަކޮށްފިއެވެ.
އެމެރިކާ ސިފައިން ތިބުން މަނާކުރާ ޤާނޫނެއް ފާސްކުރުމަށް އިރާޤުގެ ޤާނޫނު ހަދާ މަޖިލީހުން ވޯޓުލުމަށް މިހާރު އަންނަނީ ތައްޔާރުވަމުންނެވެ.
މެދު އިރުމަތީގެ ހަނގުރާމަތަކުގައި އެމެރިކާއިން ބައިވެރިވުމަކީ އައުކަމެއް ނޫނެވެ. އަދި ސިފައިން އަނބުރާ ގައުމަށް ގެނައުމަށް ސަރުކާރުން ނިންމުމަކީ ރައީސް ޖޯ ބާއިޑެން އަށް ދެވަނަ ދައުރެއް ކަށަވަރުކުރުމަށއ ފަސޭހަ ވެގެންދާނެކަމެއް ކަމަށް ބައެއް ފަރާތްތަކުން ގަބޫލުކުރެއެވެ.
