މިއަހަރު ބާއްވާ 20 ވަނަ ރައްޔިތުންގެ މަޖިލިސް އިންތިޚާބުގެ އެމްޑީޕީގެ ޕްރައިމަރީއާއި ޕީޕީއެމް/ޕީއެންސީގެ ޕްރައިމަރީ ފަސްކޮށްފިއެވެ.

އެމްޑީޕީން ކުރިން ނިންމާފައި އޮތީ މި މަހުގެ 26 އަދި 27 ގައި ޕްރައިމަރީ ބޭއްވުމަށެވެ.

އެމްޑީޕީން ފަރާތުން މަޖިލިސް އިންތިޚާބުގައި ވާދަކުރަން ބޭނުންވާ ފަރާތްތަކުން ޝައުގުވެރިކަން ފާޅުކުރުމަށް ހުޅުވާލެވުނު ފުރުސަތުގައި ޝައުގުވެރިކަން ފާޅުކުރި ފަރާތްތަކުގެ ތެރެއިން ޕްރައިމަރީ ބާއްވަންޖެހޭ ދާއިރާތަކާއި އެދާއިރާތަކަށް ކުރިމަތިލެއްވި ކެންޑިޑޭޓުންގެ ނަންތައް ކެންޑިޑޭޓް ނަންބަރާއެކު އާއްމުކޮށް އެ ޕާޓީން ބުނީ އެ ދާއިރާތަކުގެ ޕްރައިމަރީ އޮންނާނީ 03 ފެބްރުއަރީ ވާ ހޮނިހިރު ދުވަހު ކަމަށެވެ.

އެމްޑީޕީއިން އާންމުކުރި މައުލޫމާތުތަކުގައިވާ ގޮތުން 43 ދާއިރާއަކުން އެމްޑީޕީގެ ޕްރައިމަރީ ބާއްވާނެއެވެ.

މީގެއިތުރުން ޕްރައިމަރީއަކާ ނުލައި 36 ބޭފުޅަކަށް ވަނީ އެ ޕާޓީގެ ޓިކެޓް ކަށަވަރުވެފައެވެ.

ޕީޕީއެމް/ޕީއެންސީއިން އެންމެ ފުރަތަމަ ނިންމީ މިދިޔަ މަހުގެ 23 ގައި ޕްރައިމަރީ ބާއްވާށެވެ.

އޭގެފަހުން މި މަހުގެ 20 ވަނަ ދުވަހަށް ފަސްކުރުމަށްފަހު މިހާރު ވަނީ މި މަހުގެ 27 ގައި ޕްރައިމަރީ ބާއްވަން ނިންމައިފައެވެ.