ގައުމެއްގެ ރައްޔިތުންނަށް ވިސާއާއި ުލައި ތުރުކީއަށް ދަތުރުކުރެވޭގޮތް ހައްދަވައި ރައީސް ރަޖަބް ޠައްޔިބް އުރުދުޣާން ސޮއިކުރައްވާ ނެރުއްވި ރައީސުލްޖުމްހޫރިއްޔާގެ ގަރާރެއް ތުރުކީ ސަރުކާރުގެ ރަސްމީ ގެޒެޓުގައި ޝާއިއުކޮށްފިއެވެ. 

މި ގަރާރުގައިވާގޮތުން، އެމެރިކާއާއި، ބަހްރޭނާއި، އެކުވެރި އަރަބި އިމާރާތާއި، ކެނެޑާއާއި، ސައުދީ އަރަބިއާ އަދި އޮމާނުގެ ރައްޔިތުންނަށް ވިސާއަށް އެދުމަކާިއ ނުލައި ތުރުކީއަށް ދަތުރުކުރެވޭނެއެވެ. 

ޑިސެންބަރު މަހުގެ 23 ވަނަ ދުވަހު ތަސްދީގުކުރި މި ގަރާރުގައިވާ ގޮތުގައި، މި ގައުމުތަކުން ދަތުރުކުރާ ފަތުރުވެރީންނަށް ކޮންމެ 180 ދުވަހެއްގެ ތެރެއިން 90 ދުވަހު ވިސާއެއްނެތި ތުރުކީގައި މަޑުކުރެވޭނެއެވެ. މިއީ އެގައުމުގެ ގާނޫނު ނަންބަރު: 6458، ”ލޯ އޮން ފޮރެނާސް އެންޑް އިންޓަނޭޝަނަލް ޕްރޮޓެކްޝަން“ގެ 18 ވަނަ މާއްދާގެ ދަށުން ނިންމާފައިވާ ނިންމުމެކެވެ.