ހިތްގައިމު ރަސްމިއްޔާތެއްގައި ބޮލީވުޑްގެ އެކްޓަރު އަދި ޕްރޮޑިއުސަރު އަރްބާޒް ޚާން 56އ އާއި ބޮލީވުޑްގެ ތަރިން މޭކަޕްކޮށްދޭ މަޝްހޫރު މޭކަޕް އާޓިސްޓް ޝޫރާ ޚާން 29އ ކައިވެނި ކޮށްފިއެވެ.
ރިޕޯޓްތައް ބުނާ ގޮތުން މި ދެ މީހުން ބައްދަލުވީ އަރްބާޒްގެ ކުރިއަށް އޮތް ފިލްމު ”ޕަޓްނާ ޝުކްލާ“ ގެ ސެޓުތަކުގައެވެ.
އަރުބާޒާއި ޝޫރާ ކައިވެނި ކޮށްފައި ވަނީ އާދީއްތަ ދުވަހު ގާތް މީހުނާއެކު ބޭއްވި ޚާއްސަ ރަސްމިއްޔާތެއްގައި މުމްބާއީގައި ހުންނަ އަރްބާޒްގެ ކޮއްކޮ އަރްޕިތާ ޚާންގެ ގޭގައެވެ.
ކައިވެނީގެ ރަސްމިއްޔާތުގައި އަރްބާޒް ކުކުޅު ބިސް ކުލައިގެ ފަޓުލޫނަކާއެކު ފްލޯރަލް ބަންދްގަލާއެއް ލައިގެން ހުރިއިރު، އޭނާގެ އަނބިމީހާ ޝޫރާ ފެންނަނީ ޕީޗްކުލައިގެ ލެހެންގާއެއްގައެވެ.
ޝޫރާއާއެކު ނަގާފައިވާ ކައިވެނީގެ ދެ ފޮޓޯއެއް ސޯޝަލް މީޑިއާގައި ހިއްސާކޮށް ކައިވެނީގެ ހެޔޮ އެދުންތައް ފޮނުވި ހުރިހާ ފަރާތްތަކަށް ޝުކުރު އަދާކުރަމުން އަރުބާޒު ބުނީ ކޮންމެ އުމުރެއްގައި ވެސް ދިރިއުޅުން އަލުން ފަށައިގަނެވިދާނެ ކަމަށާއި ކައިވެނީގެ ޚާއްސަ ދުވަހު ހެޔޮ އެދޭ ފަރާތްތަކުގެ ހެޔޮ އެދުމާއި ދުޢާ ބޭނުންވާ ކަމަށެވެ.
މި ކައިވެނީގެ ރަސްމިއްޔާތުގައި ބައިވެރިވި ފަރާތްތަކުގެ ތެރޭގައި މުޅި ޚާން އާއިލާ ހިމެނޭއިރު، ސަލްމާން ޚާނާއި ސުހައިލް ޚާނާއި، ނިރްވާން، ޔޯހާން، އަލްވިރާ ޚާނާއި އޭނާގެ ބައްޕަ ސަލީމް ޚާނާއި މަންމަ ސަލްމާ ޚާންގެ އިތުރުން ދޮން މަންމަ ހެލެން އަދި އަރްބާޒްގެ ދަރިފުޅު އަރްހާން ޚާން ބައިވެރިވެފައި ވެއެވެ. މި ރަސްމިއްޔާތުގައި ޝޫރާގެ ގާތް އެކުވެރިއެއް ކަމަށްވާ ރަވީނާ ޓަންޑަންއާއި އޭނާގެ އަންހެން ދަރިފުޅު ރާޝާ ޓަންޑަންގެ އިތުރުން ފަރާ ޚާން އާއި ރިތޭޝް ދޭޝްމުކް ފަދަ ފާހަގަކޮށްލެވޭ ތަރިން ބައިވެރިވެފައި ވެއެވެ.
1998 ވަނަ އަހަރު އަރްބާޒް އެންމެ ފުރަތަމަ ކައިވެނި ކުރީ ބޮލީވުޑްގެ ބަތަލާ އަދި ނެށުންތެރިޔާ މަލައިކާ އަރޯރާއާއެވެ. އަރްބާޒްއާއި މަލައިކާ 2017 ވަނަ އަހަރުގެ މެއި މަހު ވަރިވެފައި ވާއިރު އެ ދެ މީހުންގެ ކައިވެންޏަށް ވަނީ 21އ ގެ އަރްހާން ޚާން ލިބިފައެވެ.
އަރްބާޒް މަލައިކާ ވަރިކުރުމަށްފަހު އެތައް އަހަރެއް ވަންދެން މޮޑެލް ޖިއޯޖިއާ އަންޑްރިއާނީ އާއި ވެސް ރައްޓެހިވެގެން އުޅުނެވެ. އެ ދެމީހުން ވަކިވީ މީގެ ދުވަސްކޮޅެއް ކުރިން ކަމަށް ޖިއޯޖިއާ ވަނީ މީގެ ކުރިން ބުނެފައެވެ.
ހިތްގައިމު ރަސްމިއްޔާތެއްގައި ބޮލީވުޑްގެ އެކްޓަރު އަދި ޕްރޮޑިއުސަރު އަރްބާޒް ޚާން 56އ އާއި ބޮލީވުޑްގެ ތަރިން މޭކަޕްކޮށްދޭ މަޝްހޫރު މޭކަޕް އާޓިސްޓް ޝޫރާ ޚާން 29އ ކައިވެނި ކޮށްފިއެވެ.
ރިޕޯޓްތައް ބުނާ ގޮތުން މި ދެ މީހުން ބައްދަލުވީ އަރްބާޒްގެ ކުރިއަށް އޮތް ފިލްމު ”ޕަޓްނާ ޝުކްލާ“ ގެ ސެޓުތަކުގައެވެ.
އަރުބާޒާއި ޝޫރާ ކައިވެނި ކޮށްފައި ވަނީ އާދީއްތަ ދުވަހު ގާތް މީހުނާއެކު ބޭއްވި ޚާއްސަ ރަސްމިއްޔާތެއްގައި މުމްބާއީގައި ހުންނަ އަރްބާޒްގެ ކޮއްކޮ އަރްޕިތާ ޚާންގެ ގޭގައެވެ.
ކައިވެނީގެ ރަސްމިއްޔާތުގައި އަރްބާޒް ކުކުޅު ބިސް ކުލައިގެ ފަޓުލޫނަކާއެކު ފްލޯރަލް ބަންދްގަލާއެއް ލައިގެން ހުރިއިރު، އޭނާގެ އަނބިމީހާ ޝޫރާ ފެންނަނީ ޕީޗްކުލައިގެ ލެހެންގާއެއްގައެވެ.
ޝޫރާއާއެކު ނަގާފައިވާ ކައިވެނީގެ ދެ ފޮޓޯއެއް ސޯޝަލް މީޑިއާގައި ހިއްސާކޮށް ކައިވެނީގެ ހެޔޮ އެދުންތައް ފޮނުވި ހުރިހާ ފަރާތްތަކަށް ޝުކުރު އަދާކުރަމުން އަރުބާޒު ބުނީ ކޮންމެ އުމުރެއްގައި ވެސް ދިރިއުޅުން އަލުން ފަށައިގަނެވިދާނެ ކަމަށާއި ކައިވެނީގެ ޚާއްސަ ދުވަހު ހެޔޮ އެދޭ ފަރާތްތަކުގެ ހެޔޮ އެދުމާއި ދުޢާ ބޭނުންވާ ކަމަށެވެ.
މި ކައިވެނީގެ ރަސްމިއްޔާތުގައި ބައިވެރިވި ފަރާތްތަކުގެ ތެރޭގައި މުޅި ޚާން އާއިލާ ހިމެނޭއިރު، ސަލްމާން ޚާނާއި ސުހައިލް ޚާނާއި، ނިރްވާން، ޔޯހާން، އަލްވިރާ ޚާނާއި އޭނާގެ ބައްޕަ ސަލީމް ޚާނާއި މަންމަ ސަލްމާ ޚާންގެ އިތުރުން ދޮން މަންމަ ހެލެން އަދި އަރްބާޒްގެ ދަރިފުޅު އަރްހާން ޚާން ބައިވެރިވެފައި ވެއެވެ. މި ރަސްމިއްޔާތުގައި ޝޫރާގެ ގާތް އެކުވެރިއެއް ކަމަށްވާ ރަވީނާ ޓަންޑަންއާއި އޭނާގެ އަންހެން ދަރިފުޅު ރާޝާ ޓަންޑަންގެ އިތުރުން ފަރާ ޚާން އާއި ރިތޭޝް ދޭޝްމުކް ފަދަ ފާހަގަކޮށްލެވޭ ތަރިން ބައިވެރިވެފައި ވެއެވެ.
1998 ވަނަ އަހަރު އަރްބާޒް އެންމެ ފުރަތަމަ ކައިވެނި ކުރީ ބޮލީވުޑްގެ ބަތަލާ އަދި ނެށުންތެރިޔާ މަލައިކާ އަރޯރާއާއެވެ. އަރްބާޒްއާއި މަލައިކާ 2017 ވަނަ އަހަރުގެ މެއި މަހު ވަރިވެފައި ވާއިރު އެ ދެ މީހުންގެ ކައިވެންޏަށް ވަނީ 21އ ގެ އަރްހާން ޚާން ލިބިފައެވެ.
އަރްބާޒް މަލައިކާ ވަރިކުރުމަށްފަހު އެތައް އަހަރެއް ވަންދެން މޮޑެލް ޖިއޯޖިއާ އަންޑްރިއާނީ އާއި ވެސް ރައްޓެހިވެގެން އުޅުނެވެ. އެ ދެމީހުން ވަކިވީ މީގެ ދުވަސްކޮޅެއް ކުރިން ކަމަށް ޖިއޯޖިއާ ވަނީ މީގެ ކުރިން ބުނެފައެވެ.
