ނައިބު ރައީސް އަލްއުސްތާޒު ޙުސައިން މުޙައްމަދު ލަޠީފް ރިޕަބްލިކް އޮފް މޮންޓެނީގްރޯއަށް މިއަދު ފުރާވަޑައިގަންނަވައިފިއެވެ.
ރަސްމީ ދަތުރުފުޅެއްގައި ނައިބު ރައީސް މޮންޓެނީގްރޯއަށް ވަޑައިގެންނެވީ އެ ގައުމުގެ ޑަނިލޮވްގްރަޑްގައި ބާއްވާ ތިންވަނަ ކޮންގްރެސް އޮފް ޑިމޮކްރެޓިކް މޮންޓެނީގްރޯގައި ބައިވެރިވެވަޑައިގަތުމަށެވެ.
މި ކޮންގްރެސް ކުރިއަށްދާނީ މި މަހު 24-26 އަށެވެ.
މި ކޮންގްރެސްގައި ނައިބު ރައީސް ވާހަކަފުޅުދެއްކެވުމަށް ވަނީ ހަމަޖެހިފައެވެ.
ނައިބު ރައީސްކަމާ ހަވާލުވެވަޑައިގެންނެވިފަހުން ނައިބު ރައީސް ހުސެން ވަނީ ޗައިނާ އަދި ސްވިޒަރލެންޑްއަށް ވެސް ރަސްމީ ދަތުރުފުޅެއް ކުރައްވައިފައެވެ.
