ބޮލީވުޑްގެ އެކްޓަރު އަދި ޕްރޮޑިއުސަރު އަރްބާޒް ޚާން އާއި ބޮލީވުޑްގެ ތަރިން މޭކަޕްކޮށްދޭ މަޝްހޫރު މޭކަޕް އާޓިސްޓް ޝޫރާ ޚާން ކައިވެނި ކުރަން އުޅޭ ކަމަށް ބުނެ ބޮލީވުޑްގެ ޚަބަރުތައް ގެނެސްދޭ މީޑިއާތަކުން ރިޕޯޓުކޮށްފިއެވެ.
ރިޕޯޓްތައް ބުނާ ގޮތުން މި ދެ މީހުން ބައްދަލުވީ އަރްބާޒްގެ ކުރިއަށް އޮތް ފިލްމު ”ޕަޓްނާ ޝުކްލާ“ ގެ ސެޓުތަކުގައެވެ.
ނަމަވެސް އަރްބާޒާއި ޝޫރާ ވެސް މިހާތަނަށް އެ ދެމީހުންގެ ގުޅުމާ ބެހޭ ގޮތުން އެއްވެސް އެއްޗެއް ހާމަކޮށްފައެއް ނުވެއެވެ.
އަރުބާޒާއި ޝޫރާ ކައިވެނި ކުރުމަށް ނިންމާފައި ވަނީ ޑިސެމްބަރު މަހުގެ 24 ވަނަ ދުވަހު ގާތް މީހުނާއެކު ބާއްވާ ރަސްމިއްޔާތެއްގައި ކަމަށް ރިޕޯޓުކޮށްފައި ވެއެވެ.
1998 ވަނަ އަހަރު އަރްބާޒް އެންމެ ފުރަތަމަ ކައިވެނި ކުރީ ބޮލީވުޑްގެ ބަތަލާ އަދި ނެށުންތެރިޔާ މަލައިކާ އަރޯރާއާއެވެ. އަރްބާޒްއާއި މަލައިކާ 2017 ވަނަ އަހަރުގެ މެއި މަހު ވަރިވެފައި ވާއިރު އެ ދެ މީހުންގެ ކައިވެންޏަށް ވަނީ ފިރިހެން ދަރިއަކުވެސް ލިބިފައެވެ. އެއީ އަރްހާން ޚާން 21އ އެވެ.
އަރްބާޒް މަލައިކާ ވަރިކުރުމަށްފަހު އެތައް އަހަރެއް ވަންދެން ބަތަލާ ޖިއޯޖިއާ އަންޑްރިއާނީ އާއި ވެސް ރައްޓެހިވެގެން އުޅުނެވެ. އެ ދެމީހުން ވަކިވީ މީގެ ދުވަސްކޮޅެއް ކުރިން ކަމަށް ޖިއޯޖިއާ ވަނީ މީގެ ކުރިން ބުނެފައެވެ. އަރްބާޒްގެ ކުރީގެ އަންހެނުން މަލައިކާ މިހާރު ރައްޓެހިވެގެން އުޅެނީ އޭނާއަށް ވުރު ޒުވާން އަލަށްވެސް ކައިވެންޏެއް ކޮށްފައި ނުވާ ބޮލީވުޑްގެ ސްޓާރެއް ކަމަށްވާ އަރްޖުން ކަޕޫރާއެވެ.
One Response
Malaika akee hama ekani item lava kulhey mee he dhen bae show thakuge judge kan kurey kaaku eyna star aka hedhee